Rubrikalar: ARAŞDIRMA XuralTAC

“Azərbaycanlılar Qarabağ uğrunda ölmək istəmirlər…”

İlham İsmayıl
Təhlükəsizlik eksperti
Avropa niyə hesab edir ki, “Azərbaycan Qarabağ uğrunda vuruşmayacaq”?
Xüsusi maraq yaratmadığı halda bəlkə də ermənilərin hansı ölkədə, kimlərlə, harda görüşündən məlumatın verilməsini məqsədəuyğun hesab etməzdik. Amma, o görüşdəki bizim də adımız çəkilir, Azərbaycan və onun vətəndaşları müzakirə predmeti olur, istər-istəməz maraq oyadır. Ermənistan politoloqlarından, QHT üzvlərindən, jurnalistlərdən və dövlət qurumlarında çalışanlardan ibarət nümayəndə heyəti 30 mayda Rumıniyanın paytaxtı Buxarestdə rumın kolleqaları ilə toplantı keçirib. Ermənistanın perspektiv siyasi kursu müzakirə olunub, Rumıniyadan olan Avropa parlamentinin üzvü Kristina Preda toplantı iştirakçıları qarşısında çıxış edib və “məxməri inqilab”dan sonra Avropa İttifaqının Ermənistana marağının artdığını və ermənilərin də bundan istifadə etmələrini bildirib. Necə? Bu sualı verən erməni nümayəndə heyətinə, Parlament üzvü  Gürcüstan, Ukrayna, Moldova kimi- cavabını verib. Avropa İttifaqının deputatı Rusiyadan ayrılmağı, Qərbə üz tutmağı açıq söyləyib. Müzakirədə iştirak edən analitik Armand Qoşu Qarabağ məsələsində Azərbaycanla dil tapmağın ermənilərə xeyri olacağını deyib və görün bizi necə xarakterizə edib.
Armand Qoşu, çıxışına başlamazdan əvvəl ”sərtliyə” və “səmimiyyətə” görə üzr istəyərək qeyd edib:
“Mən özüm bir zaman Gürcüstanda, Azərbaycanda və Ermənistanda işləmişəm. Rusiyaya təhlükəsizlik baxımından bel bağlamaq olmaz. Əgər təhlükəsizlik baxımından yalnız Rusiyaya güvənirsinizsə, sonuna qədər onun məhbusu olaraq qalacaqsınız. Rusiya Qarabağ münaqişəsindən Bakı və İrəvana təsir etmək üçün istifadə edir. Bunu anlamaq lazımdır. 30 ildən sonra bunu anlamırsınızsa, gələcəkdə böyük problemlər olacaq. Mən Bakı, İrəvan və Tiflisdə çalışdım, bölgənizi yaxşı bilirəm. Azərbaycanlılar mübarizə aparmayacaq, Qarabağ uğrunda ölmək istəmirlər, onların Qarabağ üçün vuruşmaq həvəsi yoxdur “.
Bəli, bu məqalənin yazılmasına da səbəb rumın analitikin Azərbaycan haqqında yuxarıda qeyd olunan fikirləri oldu. Niyə Avropada belə bir təsəvvür yaranıb ki, biz torpağımız uğrunda vuruşmaycağıq? Qəribə deyil? Təsadüfi adam da bunu söyləmir, izahat verir ki, Azərbaycanda çalışıb. Deməli, bizi də yaxşı tanıyır, həm də bu, yalnız onun qənaəti deyil. Qeyd edək ki, Qərbdən, hətta Rusiyadan olan siyasilərin də belə mövqeləri əvvəllər də səslənib. Sizcə, niyə Avropada bizlər haqqında belə təsəvvür formalaşıb? Cavab sadədir: 25 ildir işğal olunan torpaqlarını azad etmək üçün barmağını barmağının üstünə vurmayan dövlət, millət haqqında başqa nə cür düşünə bilərlər? Hələ Avropa yaxındır, uzaq Argentinada da belə fikirləşirlər. Orda erməni dilində iki qəzet çıxır, hətta onlar da bu fikirdədə olduqlarını yazırlar. Hamı bizim vuruşmaq istəyimizin olmadığı qənaətindədir. Qarabağ uğrunda 20 min şəhid verən bir ölkə niyə bu günə qaldı ki, indi kənardakılar da düşmənlərə deyirlər ki, “Azərbaycan Qarabağ uğrunda vuruşmaq istəmir”. Bu reallıqdır və avropalılar da 25 illik reallıqdan çıxış edirlər. Ermənistanın partiya lideri Tsarukyan da bunu bilir və ona görə də dünən parlamentdə bəyanat verir ki, “Qarabağ problemi bizim üçün artıq qurtarıb. Qalıb Artsaxın beynəlxalq aləmdə tanınması”.
Son günlər şübhəli məqamlar çoxaldıqca adamı vahimə basır, bəlkə hardasa, hansısa vədlər verilib və erməninin dediyi kimi, bircə qalıb beynəlxalq tanınma? Görün, biz nə qədər özümüzü Qarabağ probleminə  laqeyd və biganə göstərmişik ki, yeddi buyana yadlar da uzaqdan, yaxından müşahidə edib deyirlər ki, ”Azərbaycan Qarabağ uğrunda vuruşmaq istəmir”.
Yeri gəlmişkən, görüşdə iştirak edən erməni nümayəndə heyətinin üzvü, Qafqaz İnstitunun direktoru Aleksandr İsgəndəryan onlara nümunə kimi göstərilən Gürcüstan, Ukrayna və Moldova haqqında belə deyib: “Ermənistan adı çəkilən ölkələr içərisində yeganə ölkədir ki, SSRİ dağlandan sonra, sərhədlərini qoruyub, ərazilərini itirməyib, faktiki olaraq ərazilərini daraltmayıb, əksinə genişləndirib. Sizin dediyiniz ölkələr bu məsələdə özlərini tərifləyə bilməzlər”.
Öyünə bilməyən ölkələrdən biri də bizik. Amma, qürurla yaşamağımızın imkanları tüknməyib. Qarabağda axırıncı döyüşdən üç ildən çox keçib. O döyüşün qısamüddətliyi və yaşayış məntəqəsini azad edə bilməməyimiz də avropalılara və elə düşmənin özünə də “vuruşmaq istəmirlər” fikrini aşılayıb. Biz-Azərbaycan Ordusu, əsgərləri avropalılarda, düşməndə, qeyrilərində, hətta bəzi  özümüzünkülərdə də formalaşan bu təhlükəli fikri, qənaəti bir gündə darmadağın edə bilərik. Edək, qoy gedib sonra nə istəyirlər fikirləşsinlər, bizi qınasınlar, parlamentimizdə çıxış edən rumın deputat bizim azadlıq müharibəmizi işğalçılıq hesab etsin, amma bizim Qarabağ uğruna savaşdığımızı dünya bir də görsün.
Paylaş:

Son Əlavələr

  • GÜNDƏM
  • XuralTAC

Elçibəyin tarixi çıxışı: “Qırğının müəllifi Primakovdur”-TARİX

20 yanvar 1990-cı il Azərbaycan xalqının tarixinə qanlı gün kimi yazılaraq, onun müstəqillik qazanmasında ən önəmli səhifəsini təşkil edir. SSRİ…

19 Noyabr 2019
  • GÜNDƏM
  • XuralTAC

Əlövsət Əliyevin barəsində həbs qərarı – oğlu danışdı

Almaniyada fəaliyyət göstərən "Legat" İnteqrasiya Mərkəzinin rəhbəri Əlövsət Əliyevin barəsində həbs-qətimkan tədbiri seçilib. Bu barədə Modern.az-a Ə.Əliyevin oğlu Türkel Rüstəmxanlı…

19 Noyabr 2019
  • CƏMİYYƏT
  • GÜNDƏM
  • XuralTAC

Bakıda sənədsiz evlərə görə komissiyalar işləyir

Bakı şəhəri ərazisində sənədsiz evlərin siyahıya alınması ilə bağlı yaradılmış komissiyalar araşdırmalarını davam etdirirlər. Əvvəlcə paytaxtın rayonlarında sənədsiz evlər siyahıya…

19 Noyabr 2019
  • GÜNDƏM
  • XuralTAC

Prezidentin köməkçisi Əli Həsənovun Xəzər TV-ni ələ keçirməsi və fəxr etdiyi sərvəti-BUMERANG

Kanal13 "Prezident köməkçisi Əli Həsənovun Xəzər TV-ni ələ keçirməsi və fəxr etdiyi sərvəti" haqqında veriliş hazırlayıb. Xural.com verilişi təqdim edir:…

19 Noyabr 2019
  • GÜNDƏM
  • XuralTAC

Tofiq Yaqublu 30 günlük həbsdən sonra; Onu oğlunu öldürməklə hədələyiblər-VİDEO

19 oktyabr mitinqinə görə həbs edilənlərdən daha 3 nəfəri – Tofiq Yaqublu, Rüfət Səfərov və Baba Süleymanlı noyabrın 19-da azadlığa…

19 Noyabr 2019
  • GÜNDƏM
  • XuralTAC

İran İnqilab Keşikçiləri etirazlar durmazsa, qəti addım atacaqlarını deyib

Dövlət mediası xəbər verir ki, ən azı 100 bank və onlarla bina və maşın yandırılıb İranın İnqilab Keşikçiləri hökumət əleyhinə…

19 Noyabr 2019
Xural.COM