Azərbaycanda sürücülərin sayı durmadan artır
29.07.2013
Bu ilin birinci yarısında Azərbaycanda 51 226 ilkin sürücülük vəsiqəsi verilib.
Bu barədə Daxili İşlər Nazirliyinin Respublika Baş Dövlət Yol Polisi İdarəsinin (BDYPİ) İctimaiyyətlə əlaqələr şöbəsindən məlumat verilib.
Məlumata görə, BDYPİ-nin əməkdaşları tərəfindən 2013-cü ilin birinci yarısı ərzində hüquqi və fiziki şəxslərə məxsus olan nəqliyyat vasitələrinin qeydiyyatı, təkrar qeydiyyatı, qeydiyyatdan çıxarılması, sürücülük vəsiqələrinin verilməsi üzrə vətəndaşların, idarə, müəssisə və təşkilatların nümayəndələrinin qəbulu aparılıb, 47 764 avtomobil ilkin qeydiyyata alınıb.
