“Azadlıq Salnaməsi”ndə Rahim Qazıyev danışır (II hissə): “Heydər Əliyevə kobud cavab verməməli idim”
Rahim Qazıyev: “Mən Şuşanı vermişdimsə, satmışdımsa…”
Şuşa ilə birlikdə çəkilir adı. Aradan keçən 25 il yetməyib. İndi də Şuşanın və torpaqların işğalı məsələsi gündəmə gələndə Rahim Qazıyevin də adı gündəmə gəlir. Yenə ittihamlar, yenə müxtəlif iddialar. Biz zaman-zaman keçmiş Müdafiə naziri Rahim Qazıyevlə bu haqda danışmışıq. Onun ən müxtəlif və çətin suallara verdiyi cavabları Oxucularımıza çatdırmışıq. Hələ Rahim Qazıyev həbsdən təzə buraxılanda kifayət qədər böyük müsahibə götürüb təxminən 6 ay müddətinə yayınlamış və ictimaiyyətə təqdim etmişdik. O zaman yaxşı yadımdadır ki, deputat Fəzail Ağamalı etiraz etdi və Rahim Qazıyevin “Şuşa gedərsə başıma bir güllə vuracağam” dediyini iddia etdi. Fəzail Ağamalı şəxsən mənə dedi ki, Rahim Qazıyevin bu cümləni işlətdiyi kaset onun arxivlərində var və o kaseti ictimaiyyətə nümayiş etdirmək üçün onu “Xural”a təqdim edəcək. Aradan illər keçdi və Fəzail Ağamalı o kaseti bizə təqdim etmədi.
Zaman-zaman bu tip olaylarla qarşılaşdım. Rahim Qazıyevin “Şuşa gedərsə başıma bir güllə vuracağam” sözlərini harada dediyini sübut edən ciddi bir dəlilə isə rast gəlmədim. İndi bu söhbəti edərkən də o sualı verdim və cavabdan da göründü ki, Rahim Qazıyev elə bir şey deməyib. Artıq buna qəti əminlik hasil oldu məndə.
Rahim Qazıyevlə yenə Şuşadan və onun düşmənə təhvil verilmə səbəblərindən danışırıq. Bu dəfə də bildiklərini səmimi şəkildə bizimlə bölüşür sabiq Müdafiə naziri. Amma yenə bir olay var. Çünki Şuşa özünümüdafiə batalyonunun sabiq komandirlərindən Möhtəşəm Məhərrəmovun onun haqqındakı ittihamları Rahim Qazıyevin cavab verməsinə səbəb oldu. Təbii ki, hazırda Rahim Qazıyevin 3 hissədən ibarət olan bu müsahibəsini yayınlayandan sonra Möhtəşəm Məhərrəmovla onun canlı bir debatını təşkil etmək düşüncəmiz də var. Əgər tərəflər razı olarlarsa…
Şuşanın verilməsi Rahim Qazıyevin müsahibəsi ilə bir daha və bir daha öz təsdiqini tapır. Özünübilməz dövlət adamları və ölkəni idarə edənlərin qəflət və dəlalət içində yatmaları, Şuşanın düşmən əlinə keçməsinə səbəb olub. Və onun ən yaxın şahidlərindən biri də Rahim Qazıyevin özüdür.
İndi Rahim Qazıyev Şuşadan danışır. Şuşanı qorumaq istəyən adam…
“Azadlıq Salnaməsi”nin növbəti 16-cı qonağı sabiq Müdafiə naziri Rahim Qazıyevdir…
Əvəz Zeynallı
“Azadlıq Salnaməsi”
I hissəni buradan oxuya bilərsiniz:
https://www.xural.com/azadliq-salnam%C9%99sind%C9%99-rahim-qaziyev-i-hiss%C9%99-susa-x%C9%99yan%C9%99tin-qurbani-oldu-video/ (“Azadlıq Salnaməsi”ndə Rahim Qazıyev (I hissə): “Şuşa xəyanətin qurbanı oldu”-VİDEO)
II hissə
Rahim Qazıyev “Azadlıq Salnaməsi”nin II hissəsində nə dedi:
– Mən niyə özümü vurmalı idim?
– 8 balamız öldü, 6-sı yaralandı
– Möhtəşəm Məhərrəmovu debata dəvət edirəm
– Kimin əlində fakt varsa, gəlsin
– Bir insan haqqında nə qədər böhtan atarlar?
– Polis rəisinin kabinetində yatırdım, rəhmətlik Çingiz Mustafayev gəldi
– Çingizin çəkdiyi epizodu ANS vermədi, çünki hamısı sifarişlə işləyirdi
– Mən Şuşanı vermişdimsə, satmışdımsa Heydər Əliyev kimi əjdaha bunu bilməyə bilməzdi
– Heydər Əliyevin verdiyi vəzifədən imtina edəndən sonra Aslan İsmayılov kimi şərəf sahibləri ortaya çıxdı
– Heydər Əliyevə kobud cavab verməməli idim
– Əsəblərim düşmənimə çevrildi… Əsəbiləşdim, ondan sonra çıxışım oldu zibil
– Heydər Əliyevin özünə təmkinlə izah etməli idim ki, sənin kimi bir dahi…
– Əsəblərim o qədər gərginləşdi ki, bütün məntiqimi itirdim
– Aslan İsmayılov 12 dəqiqəlik çıxışında Şuşanın satılmasının 100 faiz günahının məndə olduğunu dedi
– Aslan İsmayılov vəzifə eşqinə gəlmişdi ki, mən Rahimi söyəcəm, Heydər Əliyev də mənə vəzifə verəcək
– Aslan İsmayılovu debata çağırıram
– Kişisən, peşənə hörmətin var, şəxsiyyətinin qiymətini bilirsənsə ixtiyari redaksiyada səni debata çağırıram
– Buradan Ali Baş Komandana səslənirəm…
– Mənə Vətənə xəyanət maddəsi verilməyib
– Vətənə xəyanət edən şərəfsizi də əvf edərlər?
– Anama türmədən “ksiva” göndərdim ki…
– Mən Şvartsnegerə oxşayıram?
– Məni MTN-dən qaçırıb öldürməli idilər
– Öldürülməli idim, amma planı dəyişdirdim
– Vətəni satan şərəfsizi də azad edərlərmi, lap 100 əfv ərizəsi yazsın
– Şuşada kifayət qədər silah-sursat və canlı qüvvə olub
– Elburus Orucovu mən təyin etmişəm, amma ona qədər işləyirdi
– Gecə saat 1-də döyüş təcrübəsi olan 25 döyüşçü niyə buraxılıb?
– “Birdən tutularıq” ehtimalı gələndə bunlar sarılarını udurlar
– Əliyev Ağalar ifadə verib ki, Şuşanın müdafiəsini 3 mərhələyə ayırmaq olar: Rahim Qazıyev gələnə qədər, onun vaxtında və ondan sonra…
– Mayın 4-də MTN-in Şuşa şöbəsi qapını bağlayıb aradan çıxıb
II hissənin sonu
Xural.com
