Bəşəriyyətin 11 sentyabr faciəsi Hüseyn Abdullayevin təqdimatında

Amerikada baş vermiş faciəyə azərbaycanlı tərəfindən bu şəkildə qiymət verilməsi çox təsiredicidir. Görünür, bu əsəri təsirli edən Azərbaycanın da terrordan əziyyət çəkən bir ölkə olması, buna bənzər hissləri bizim də yaşamağımızdır…

“Oğuz Eli” İctimai Birliyinin rəhbəri, sabiq millət vəkili Hüseyn Abdullayev Amerikada baş vermiş 11 sentyabr faciəsinə əsər yazıb. “Qafqazinfo” həmin əsəri əldə edib və eksklüziv olaraq Oxucularına təqdim edib. Qeyd etdiyimiz kimi Amerikada 2001-ci ilin 11 sentyabrında baş verən bu faciəyə həsr olunan əsər Moskva Dövlət Simfonik Orkestrinin 100 nəfərlik heyəti tərəfindən ifa edilib. Əsərdə 11 sentyabr hadisələri ilə bağlı indiyədək heç bir yerdə göstərilməyən kadrlar da yer alıb. Hüseyn Abullayevin bu simfonik əsərində hadisələr lap əvvəldən, dünyanın düz vaxtından, hər şeyin qaydasında olduğu bir dövrdən başlayır. Sonra birdən-birə hər şey dəyişir və dünyanı lərzəyə salan həmin terror hadisəsi baş verir. Maraqlı məqamlardan biri də əsərdə hadisədən sonrakı dövrün əks olunması, terror üzərində qətiyyətli mübarizə də əksini tapıb.
Bu gün bütün dünya 11 sentyabr hadisəsinin ildönümünü qeyd edir. Amerikada baş vermiş faciəyə azərbaycanlı tərəfindən bu şəkildə qiymət verilməsi çox təsiredici və önəmlidir. Görünür, bu əsəri təsirli edən Azərbaycanın da terrordan əziyyət çəkən bir ölkə olması, buna bənzər hissləri bizim də yaşamağımızdır…

“Xural” qəzeti,

 il 9, sayı: 035 (443), 11-17 sentyabr 2011