Bakıda sayt rəhbəri həbs edildi

Bakıda sayt rəhbəri həbs edildi. Criminal.az saytına daxil olan məlumata görə, amerikapress.com saytının rəhbəri Rauf Sultanov yaşadığı evdə rüşvət alarkən yaxalanıb.

Əməliyyatı Baş prokuror yanında Korrupsiyaya Qarşı Mübarizə İdarəsinin əməkdaşları keçirib.

R.Sultanovun yaxınlarının Criminal.az saytına verdiyi məlumata görə, o, dünən gecə uzun müddət məhkəmə çəkişləsində olduğu müəllimlərdən birini evinə dəvət edib. Elə həmin evdə əməliyyatçılar tərəfindən saxlanılıb.

Bu gün R.Sultanov Binəqədi rayon Məhkəməsində hakim qarşısına çıxarılacaq.

Xatırladaq ki, R.Sultanov əvvəllər də məhkumluq həyatı yaşayıb. O, bu ilin mayında məhkəmənin qərarı ilə həbsdən azad olunmuşdu.