Banklara valyuta satışı kəskin artıb

2024-cü ilin iyununda Dövlət Neft Fondu (ARDNF) onun iştirakı ilə Mərkəzi Bankın keçirdiyi valyuta hərraclarında 405.6 milyon ABŞ dolları satış edib.

Bu barədə Fond məlumat yayıb.

Bu, 2023-cü ilin eyni dövrü ilə müqayisədə 5.15 dəfə çoxdur.

ARDNF ötən ay valyuta hərraclarındakı satışın 69.8 faizini təmin edib. AMB özü də valyuta ehtiyatlarının 175.4 milyon dollarını hərraclara çıxarıb.

Beləliklə, banklara aylıq valyuta satışı 581 milyon dollar təşkil edib ki, bu da bir il əvvələ nisbətən 7.4 dəfə çoxdur.

Azərbaycan bankları birinci yarımildə valyuta hərraclarında 3 milyard 598.8 milyon dollar alıb. Bu, illik müqayisədə 2.3 dəfə çoxdur.

AzadlıqRadiosu

Əlaqəli məqalələr

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button