Biz Donbassda müharibənin əleyhinəyik!
xural.com-un əldə etdiyi məlumatlara görə, Ukrayna mətbuatına açıqlama verən Ukrayna Qarapapaq Türkləri Milli Şurasının (UQTMŞ) Sədri Daşqın Gülməmmədov bildirib ki, hazırda Donetsk və Luqansk vilayətlərində, Minsk razılaşmasına uyğun olaraq atəşkəs rejimi mövcud olsa da, genişmiqyaslı hərbi əməliyyatların yenidən bərba edilməsi ehtimali çox böyükdür. “Biz Donbassda müharibənin əleyhinəyik. Mövcud konflikt yalnız danışıqlar yolu ilə həll edilməlidir. İndiki zamnda hərbi əməliyyatların bərpa edilməsi yolverilməzdir. Ukraynada ictimai rəyi müharibə əleyhinə kökləməyin zamanı çatıb.”
Qeyd edək ki, Ukrayna Qarapapaq Türkləri Milli Şurası (UQTMŞ) 2012-ci ildə yaradılıb. Hal-hazırda üzvlərinin sayına və təşkilatlanma səviyyəsinə görə Ukraynada rəsmi qeydiyyatda keçmiş ən böyük türk-müsəlman təşkilatıdır. UQTMŞ-nın 198 Rayon Komitəsi, 135 Şəhər Komitəsi və rəsmi qeydiyyata alınmış 18 Vilayət Təşkilatı fəaliyyət göstərir.
xural.com
