Bloger Hüseyn Həsənovun Rusiyadan qaçdığı deyilir

Yayımlandı: 10 İyul 2024 17:45

İnfobiznesmenin külli miqdarda vergi borcu olduğu bildirilir

Rusiyada yaşayan azərbaycanlı videobloger, infobiznesmen Hüseyn Həsənovun Rusiyada vergidən yayındığı üçün məsuliyyətə cəlb olunduğu və ölkədən qaçdığı deyilir.

Bu barədə Rusiya İctimai Palatasının üzvü, Təhlükəsiz İnternet Liqasının direktoru Yekaterina Mizulina öz “Telegram” kanalında məlumat verib.

Hüseyn Həsənov. Foto: “İnstagram” səhifəsindən

Mizulina bildirib ki, Hüseyn Həsənovla bağlı vergi idarəsi məhkəməyə müraciət edib.

Nəticədə infobiznesmenə məxsus bir sıra şirkətlər borca görə qapadılıb, özü isə Rusiyadan qaçıb.

2024-cü il iyulun 15-də Hüseyn Həsənovun vergilərlə bağlı proseslərə cəlb oluna biləcəyi barədə məlumat yayılıb.

Moskva Vergi Müfəttişliyi müvafiq iddia qaldırıb.

Hüseyn Həsənovun Federal Vergi Xidmətinə 144 milyon rubl məbləğində borcunun yığıldığı bildirilib.

Hüseyn Həsənov 1994-cü ildə Sankt-Peterburqda doğulub.

O, “İnstagram”da videobloger kimi məşhurdur. Həmçinin infobizneslə məşğul olur.

“Milyonçu təfəkkür” və bir sıra onlayn kurs satışı ilə tanınır.

Meydan TV

Əlaqəli məqalələr

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button