Rubrikalar: GÜNDƏM XuralTAC

“Borçalı”dan sərt bəyanat: “Gürcüstanda başlanan antiazərbaycan prosesinə biganə qalmayın…”

Xural.com-a 26 iyul 2019-cu ildə “Borçalı Cəmiyyəti”nin mətbuat xidmətindən bəyanat daxil olub. Bəyanatda deyilir:

“”Borçalı Cəmiyyəti” bütün maneələrə baxmayaraq, Gürcüstanla Azərbaycan, Gürcü xalqı ilə Azərbaycan xalqı arasında dostluq xəttinin möhkəmlənməsinə ictimai dəstəyini verməkdə israrlıdır. Təəssüf ki, Gürcüstan siyasi hakimiyyətində yuva salmış pozucu zehniyyət (5-ci kalon) xəyanətini davam etdirməkdədir.

“Borçalı Cəmiyyəti”nin üzvü və təəssübkeşi olan sədr Zəlimxan Məmmədli, İH üzvü Salman Murğuzluya onların tətbiq etdiyi əsassız Gürcüstana giriş qadağasının ardı ilə 14 iyulda gənc fəal Zöhrab Məmmədova, 23 iyul tarixində “Borçalı Cəmiyyəti”İdarə Heyətinin üzvü, sədr müavini, filologiya üzrə fəlsəfə doktoru Qiymət xanım Məhərrəmliyə, iyul ayının 25-də isə “Borçalı Cəmiyyəti”nin qadın qolunun fədakar üzvü Güllü xanım Eldar Tomarlıya Gürcüstana giriş qadağası tətbiq olunmuşdur. Bu təxribatın məhz Elat bayramının, soydaşlarımızın milli mədəniyyətlərini nümayiş bayramının 10 illiyi ərəfəsində baş verməsi təəssüf doğurur. Gürcüstanın siyasi hakimiyyəti təəssüf ki, dostluq prinsiplərinə zidd olan bu ləkəni öz adına yazdırmaqda israrlı görünür.

“Borçalı Cəmiyyəti bu hadisəni Gürcüstan siyasi hakimiyyətində yer almış zərərli zehniyyətin, komandanın başçısı Bdzina İvanişvilinin Azərbaycana, Gürcüstanda tarixən məskunlaşmış soydaşlarımıza- Azərbaycan türklərinə qarşı aqressiyası kimi qiymətləndirir və qətiyyətlə qınayır. Gürcüstanın siyasi hakimiyyəti tərəfindən ardıcıl davam edən bu təxribatların Gürcüstanın milli maraqlarına, Azərbaycan-Gürcüstan strateji müttəfiqlik ruhuna, eyni zamanda regionun təhlükəsizliyinə xəyanət olduğunu qeyd etməklə, ilk növbədə tərəqqipərvər gürcü xalqını, onun ayrılmaz hissəsi olan soydaşlarımızı, gürcü siyasilərini, ictimai hərəkat nümayəndələrini, Gürcüstan aydınlarını bu qorxulu tendensiyaya biganə qalmamağa, haqq səslərini ucaltmağa, öz hakimiyyətlərinin bu yanlışlıqlarını aradan qaldırmaq yolunda səfərbərliyə dəvət edir.

“Borçalı Cəmiyyəti” Azərbaycan siyasi hakimiyyətini, Prezident İlham Əliyevi Gürcüstanın bu yanlışlıqlarını durdurması üçün birbaşa prosesə müdaxilə etməyə, ictimai-siyasi elitamızı, aydınlarımızı, millət vəkillərimizi bu antiazərbaycan prosesinə biganə qalmamağa dəvət edir.

“Borçalı Cəmiyyəti” bundan sonra da Gürcüstanda antimilli zehniyyətə duruş gətirərək xalqlarımız arasında dostluq əlaqələrinin ziyan görməməsi üçün üzərinə düşənləri mövcud qanunlar və Beynəlxalq hüquq çərçivəsində yerinə yetirməkdə israrını bir daha bəyan edir.

Xural.com

Paylaş:

Son Əlavələr

  • GÜNDƏM
  • XuralTAC

Eldar Həsənov barəsində həbs qətimkan tədbiri seçildi

Səbail Rayon Məhkəməsində Azərbaycan Respublikasının Serbiya Respublikasında, Monteneqroda, Bosniya və Herseqovinadakı səfiri Eldar Həsənov barəsində istintaq orqanı tərəfindən verilən təqdimata…

15 Avqust 2020
  • GÜNDƏM
  • MANŞET
  • QAYNAR QAZAN
  • XuralTAC

“Əvəz Zeynallı ilə İstanbul söhbətləri-9″&Eldar Həsənov niyə həbs olundu?-VİDEO

Xural.com "Əvəz Zeynallı ilə İstanbul söhbətləri"nin 9-cu bölümünü təqdim edir. Bu bölümdə sabiq Baş prokuror və səfir Eldar Həsənovun həbsinin…

14 Avqust 2020
  • GÜNDƏM
  • XuralTAC

Elmar Məmmədyarovun ölkədən çıxışına qadağa qoyulub

Keçmiş xarici işlər naziri Elmar Məmmədyarovun Azərbaycanı tərk etməsinə qadağa qoyulub. Səbəb XİN sistemində yol verilmiş korrupsiya və mənimsəmələrə dair…

14 Avqust 2020
  • GÜNDƏM
  • XuralTAC

Prezident İlham Əliyev Türkiyənin Milli Müdafiə nazirini qəbul edib

Azərbaycan Respublikasının Prezidenti İlham Əliyev avqustun 13-də ölkəmizdə səfərdə olan Türkiyə Respublikasının Milli Müdafiə naziri Hulusi Akarı, Türkiyə Silahlı Qüvvələrinin…

14 Avqust 2020
  • GÜNDƏM
  • MANŞET
  • QAYNAR QAZAN
  • XuralTAC

Əvəz Zeynallı ilə İstanbul söhbətləri: “Mübariz Mənsimovdan xəbər ala bilmədim”-VİDEO

Xural.com "Əvəz Zeynallı ilə İstanbul söhbətləri"nin 8-ci bölümünü təqdim edir:   https://www.youtube.com/watch?v=a8fyBBFTbjs

13 Avqust 2020
  • GÜNDƏM
  • MANŞET
  • XuralTAC

Səfir Eldar Həsənov həbs edildi-RƏSMİ

Məlumat verildiyi kimi, Azərbaycan Respublikası Xarici İşlər Nazirliyinin bəzi vəzifəli şəxslərinin öz səlahiyyətlərindən sui-istifadə edib dövlətin qanunla qorunan mənafelərinə mühüm…

13 Avqust 2020
Xural.COM