Rubrikalar: GÜNDƏM XuralTAC

Ankaradan Əliyev hakimiyyətinə sərt təpki: “Xalqın səsini eşidin”

“Ölkəni yaşanmaz bir həbsxanaya çevirmək, Azərbaycanı idarə edənlər üçün bir üz qarasıdır”

Məhəmməd Əmin Rəsulzadənin silahdaşı, Türkiyədə fəaliyyət göstərən Azərbaycan Kültür Dərnəyinin başqanı Cəmil Ünal dünən Azərbaycanda baş verən anti-demokratik hərəkətləri qınayan bəyanat yayıb.

Xural.com xəbər verir ki, Müsavat Partiyasından “Basta”ya təqdim olunan bəyanatda deyilir:

“19 oktyabr 2019-cu il tarixində, heç bir dağıdıcı və qanundan kənar hərəkətlərə yol vermədən, ölkənin düşdüyü vəziyyəti dilə gətirmək və fikirlərini Azərbaycan xalqıyla paylaşmaq, tələblərini hakimiyyətə çatdırmaq üçün təşkil edilən mitinqi qanlı bir şəkildə dağıtmaq, ölkəni yaşanmaz bir həbsxanaya çevirmək, Azərbaycanı idarə edənlər üçün bir üz qarasıdır. Dünyanın heç bir yerində və heç bir zaman, zülümlə ABAD olan bir ölkə olmadığı kimi, zülm və işgəncəni sistemin bir parçası halına gətirən rejimlərin də eyni aqibətlə sona çatdığı tarix boyunca görülən bir gerçəklikdir. Müxalifətin ifadə azadlığına məhəl qoymayan hakimiyyət, Stalin dövrünü xatırladan idarəçiliyi, insanlıqlarını itirmiş Türk düşməni polislərin əliylə Azərbaycan vətəndaşlarına rəva görməkdədir.

Bu rəftar, polisin şiddət dolu davranışı iqtidarın da sonunu hazırlamaqdadır.

Hörmətli İlham Əliyevə səslənirəm!

Bu anti-demokratik idarəçilik sizin iqtidarınızın da sonunu hazırlayacaqdır. İnsanların ən təbii haqqı olan toplaşmaq və söz azadlığını zor və şiddətlə yox etməyin. Xalqın səsi və tələblərini eşidin! Həbs edilənləri ən qısa zamanda sərbəst buraxın.

100 il öncə Məhəmməd Əmin Rəsulzadənin bütün insanlığa həsr etdiyi “İnsanlara Hürriyyət, Millətlərə İstiqlal!” şüarını öz millətinizdən ölkənizdən əsirgəməyin.

Demokratiya mücadiləsi aparan və bugünkü mitinqdə iştirak edən qurum və partiya təmsilçilərini ürəkdən salamlayır, Can Azərbaycanımıza haqq etdiyi aydınlıq dolu gələcək diləyirəm”.

Qeyd edək ki, Cəmil Ünal Məhəmməd Əmin Rəsulzadənin Türkiyədə fəaliyyət göstərən zaman silahdaşlarından biridir, Türkiyə Böyük Millət Məclisinin Qarsdan millət vəkili olub, Müsavat Partiyasının Azərbaycana təhvil verilməsində və 1992-ci ildə Bakıda keçirilən Bərpa Qurultayında Məhəmməd Əmin Rəsulzadənin digər silahdaşlarıyla birlikdə iştirak edib. Cəmil Ünal Məhəmməd Əmin Rəsulzadənin Türkiyədə yaratdığı Azərbaycan Kültür Dərnəyinin hal-hazırda başqanıdır.

Paylaş:

This post was last modified on 21 Oktyabr 2019 5:18 axşam

Share

Son Əlavələr

  • CƏMİYYƏT
  • GÜNDƏM
  • XuralTAC

Ramiz Mehdiyev AMEA-da – idarə və şöbələr ləğv olunub

Azərbaycan Milli Elmlər Akademiyasında (AMEA) struktur islahatları aparılıb. Bu barədə “Report”un sorğusuna cavab olaraq AMEA-dan bildirilib. AMEA prezidenti, akademik Ramiz Mehdiyevin…

13 Noyabr 2019 2:21 səhər
  • GÜNDƏM
  • MANŞET
  • XuralTAC

Əvəz Zeynallı: “Bu tip qadağalar ölkənin imicini yerlə bir edir”-VİDEO

Əvəz Zeynallı Vergilər Nazirliyi tərəfindən çıxışına qoyulan qadağa ilə bağlı Kanal13-ə müsahibə verib. Xural.com müsahibəni təqdim edir:     …

13 Noyabr 2019 2:16 səhər
  • GÜNDƏM
  • XuralTAC

Yasamalın yeni icra başçısı kimdir-DOSYE

Yasamal 3-cü Seçki Dairəsindən deputat seçilmiş Elşad Həsənov Prezident İlham Əliyev tərəfindən Yasamal Rayon İcra Hakimiyyətinin başçısı təyin edilib. Həsənov…

13 Noyabr 2019 2:07 səhər
  • GÜNDƏM
  • XuralTAC

Bəxtiyar Hacıyev: “Paşinyan görüşdən sonra mənə yaxınlaşdı…”

“Baş nazir bildirdi ki, Azərbaycan hakimiyyəti tərəfindən hansısa konstruktiv mesajlar gözləyir” Siyasi fəal Bəxtiyar Hacıyev Fransanın paytaxtı Parisdə keçirilən Sülh…

13 Noyabr 2019 2:00 səhər
  • GÜNDƏM
  • XuralTAC

Mehman Hüseynov bələdiyyə seçkilərinə qatılır

Bloger “Seçki tarixində belə maraqlı, kreativ seçki olmayıb” deyir. Tanınmış bloger, “Sancaq Production”un rəhbəri Mehman Hüseynov bələdiyyə seçkilərində iştirak edəcək.…

12 Noyabr 2019 1:59 səhər
  • GÜNDƏM
  • MANŞET
  • XuralTAC

Əvəz Zeynallının ölkədən çıxışına qadağa qoyuldu – Səbəb Mikayıl Cabbarovdur

“Xural” qəzetinin baş redaktoru Əvəz Zeynallının ölkədən çıxışına qadağa qoyulub. Qadağa Vergilər Nazirliyinin müraciəti əsasında tətbiq edilib. Reyting.az xəbər verir ki,…

11 Noyabr 2019 3:21 səhər
Xural.COM