Çeçeni öldürənə 10 il cəza…
Bu gün Bakı Ağır Cinayətlər Məhkəməsində xarici vətəndaşı öldürüb, basdırmaqda təqsirli bilinən 1959-cu il təvəllüdlü Eldar Hüseynovun cinayət işi üzrə məhkəmə prosesi başa çatıb. xural.com-un məlumatına görə, hakim Eldar İsmayılovun sədrliyi ilə keçirilən prosesdə hökm oxunub. Hakimlər kollegiyasının qərarı ilə Eldar Hüseynov 10 il müddətə azadlıqdan məhrum edilib. Qeyd edək ki, qətl keçən il mayın 26-da Binəqədi rayonu Novxanı bağlar sahəsindəki evlərdən birinin həyətində baş verib. Bakı şəhər sakini Eldar Hüseynov münaqişə zəminində Rusiya vətəndaşı Xaron Şahiyevi bıçaqla qətlə yetirib, daha sonra isə cəsədini torpağa basdırıb. Xaron Şahiyevin meyiti ekskumasiya edilib. Polis və prokurorluq orqanları əməkdaşlarının həyata keçirdikləri tədbirlər nəticəsində EldarHüseynov tutulub. Xatırladaq ki, Xaron Şahiyev milliyyətcə çeçen olub.
