Çingiz Qənizadə Eldar İbrahimovu topa tutdu: “Sən özün hansı tərəfdəsən?”

Milli Məclisin Hüquq siyasəti və dövlət quruculuğu komitəsinin üzvü, millət vəkili Çingiz Qənizadə həmkarı Eldar İbrahimovun mətbuatda yer alan “Müxalifət nümayəndələrinin bəziləri bizim tərəfimizə keçdi, pul qazandı, hətta deputat da oldu” fikirinə münasibət bildirib.

Xural.com xəbər verir ki, Çingiz Qənizadə unikal.org-a açıqlamasında deyib:

“Əvvala, Eldar müəllimin özünün tərəfinin hara olduğunu başa düşə bilmirəm. Əgər hər hansı bir şəxs cənab prezidentin mövqeyini, siyasətini dəstəkləyirsə və belə olan halda kimsə onları xəyanətkar adlandırırsa, bu, siyasətçiyə yaraşmayan bir şeydir. Mən təkcə Eldar müəllimin yox, son vaxtlar bəzi deputat həmkarlarımın siyasətçiyə yaraşmayan formada cəmiyyətə açıqlama vermələrini və cəmiyyətdə mübahisəyə səbəb olan müəyyən fikirləri ortaya atmalarını qətiyyətlə pisləyirəm.

Azərbaycan Respublikası Prezidentinin İctimai-siyasi məsələlər üzrə köməkçisi Əli Həsənova və Baş Nazirin müavini, YAP-ın sədr müavini – İcra katibi Əli Əhmədova təşəkkür edirəm ki, onlar bu cür ifadə işlədən deputatlara çox qısa, lakonik və prezidentin mövqeyini əks etdirən fikirlərini bildirdilər.

Hər ikisi çox sağ olsun. Yenə deyirəm: bu cür açıqlamaların verilməsi düşünülməmiş, siyasətçiyə yaraşmayan fikirdir. Əli müəllimin dediyi kimi, axı cənab prezident də qeyd edib ki, “Mən bütün azərbaycanlıların prezidentiyəm”. Kim onu prezident görür və yanındadırsa, onun keçmişinə görə o adamları xəyanətkar adlandırmaq, hesab edirəm ki, bu, başa düşülən deyil.

Mən başqa ifadə işlətmək istəmirəm. Bakıda deyiləm. İki gündür bunları oxuyub, fikirləşirəm ki, görəsən, nə baş verir? Bu insanlar kimin sözünü demək istəyir? Əgər prezidentin komandasındadılarsa, bu, cənab prezidentin mövqeyi deyil”.

Ç.Qənizadə Eldar İbrahimovun mətbuatda son açıqlamasına da etiraz edib:

“Eldar İbrahimovun “Fikirlərim düzgün başa düşülməyib, “düşmən” fikrimi indiki deputatlara aid etməmişəm. Parlamentdə təmsil olunan patiyaların nümayəndələri iqtidarın deputatları kimi mənə əzizdir” – ifadəsi özü belə yanlışdır. Onun son açıqlamasının özü belə onu göstərir ki, əvvəlki fikirlərində qalıb. Açıqlamasında nə demək istəməsi isə tam başa düşülən deyil. O, son açıqlamasını Əli Əhmədov və Əli Həsənovdan qabaq versəydi, bəlkə də başa düşülən olardı”.

Qeyd edək ki, E.İbrahimovun “Bəziləri bizim tərəfimizə keçdi, pul qazandı, hətta deputat da oldu. Amma bir şeyi deməliyəm ki, düşməndən sənə dost ola bilməz. Düşmən gəlib, içəriyə daxil olacaq və bir gün yenə öz düşmənçiliyini göstərəcək” fikri müzakirələrə səbəb olmuşdu.

This post was last modified on 10 Sentyabr 2019 2:37 axşam

Şərh yazın
Share

Son Əlavələr

  • MANŞET
  • XuralTAC

Dövlət başçısı Kanada və Fransa XİN-in bəyanatını kəskin tənqid etdi

“Münaqişə həll olunub, bu, bir. Hesab edirəm ki, bu məsələ ilə məşğul olmuş tərəflər və…

11 May 2021
  • MANŞET
  • XuralTAC

“İsrailin Məscidi-Aksada apardığı əməliyyata münasibətiniz nədir?”

Millət vəkili Fazil Mustafa "İsrailin Məscidi-Aksada apardığı əməliyyata münasibətiniz nədir?", sualına cavab verib. Xural.com aktuallığını…

11 May 2021
  • MANŞET
  • QAYNAR QAZAN
  • XuralTAC

“Bu “təntənəli düzüm”ə niyə riza göstərdik?!”-10.05.2021

Xural Media Qrupunun rəhbəri Əvəz Zeynallı 10 may 2021-ci il, saat 17:00​-da canlı yayında Xural…

11 May 2021
  • MANŞET
  • XuralTAC

Şuşada Mehtər marşı ilə yürüş…-Video

Azərbaycan Ordusunun hərbçiləri Şuşada yürüş edib. "Qafqazinfo" xəbər verir ki, bunu əks etdirən görüntülər sosial…

10 May 2021
  • MANŞET
  • XuralTAC

İlham Əliyev hərbi aerodromun açılışına qatıldı

Azərbaycan Prezidenti, Müzəffər Ali Baş Komandan İlham Əliyev mayın 10-da Naxçıvan Muxtar Respublikasında Əlahiddə Ümumqoşun…

10 May 2021
  • MANŞET
  • XuralTAC

General Nağıyevlə birgə həbs edilən polkovniklər azadlığa çıxdı

Ötən ilin may ayında Dövlət Təhlükəsizlik Xidməti tərəfindən həbs edilən Dövlət Sərhəd Xidmətinin vəzifəli şəxsləri…

10 May 2021
Xural.COM