Rubrikalar: GÜNDƏM XuralTAC

Deputat oğlunun işi: Xaricdən ucuz alıb, SOCAR-a baha satırmış

”Siz dövlət qulluqçusu ola-ola bizneslə məşğul olmusuz”

Milli Məclisin deputatı Elmira Axundovanın oğlu Həbib Axundovun adının hallandığı dələduzluq işi ilə bağlı məhkəmə avqustun 20-də davam etdirilib.

Bakı Ağır Cinayətlər Məhkəməsində Vergilər Nazirliyinin keçmiş əməkdaşı Anar Surxayzadə ifadə verib. O, təqsirləndirilən Elnur İbrahimovun (deputatın oğlu Həbib Axundovun dostu) katric biznesilə məşğul olduğunu bilirib.

Artıq nazirlikdə işləmədiyini, müqaviləsinə xitam verildiyini deyən, A.Surxayzadənin sözlərinə görə, özü də Elnura 140 min manat pul verib. Onun 90 mini hələ də qaytarılmayıb. Ona görə də özünü şahid yox, zərərçəkmiş hesab edir:

“Qazancdan 5-10 faiz mənə verəcəkdi. Elnuru dostum Anar Babayev vasitəsilə tanımışam. O da Elnura pul vermişdi. Bir müddət faizləri ödədi, sonra dayandı”.

A.Surxayzadə pulu qaytarılmayan digər şəxslər kimi Elnurdan hüquq-mühafizə orqanlarına şikayət etməyib:

“Çünki onsuz da pulumu ala bilməyəcəkdim”.

Məhkəmədə A.Surxayzadənin istintaqa ifadəsi elan olunub. Həmin ifadədə deyir ki, Elnur kartricləri xaricdən alıb, SOCAR-a baha satırdı. Sonra isə yenə SOCAR-dan ucuz qiymətə çıxarıb, bu dəfə başqa yerə satırdı”.

Məhkəmədə o da üzə çıxıb ki, A.Surxayzadə vergi orqanında işlədiyi müddətdə E.İbrahimovun evini öz adına keçirib və daha sonra sataraq pulu Xalid adlı şəxsə verib:

“Siz dövlət qulluqçusu ola-ola bizneslə məşğul olmusuz. Bu da qanunla qadağandır. Sizin bu əməlinizə məhkəmə hüquqi qiymət verəcək”.

Əlavə şahid qismində məhkəmədə SOCAR-ın əməkdaşı Murad Mehdiyev dindirilib. O, pul aldığını etiraf etsə də, dəqiq məbləği bilmədiyini deyib: “Almışam da, qaytarmışam da”.

Şahid Anar Babayev isə məhkəməyə gəlmədiyindən onun barəsində məcburi gətirilmə qərarı çıxarılıb.

E.İbrahimov müxtəlif adamlardan biznes qurmaq adıyla ümumilikdə bir milyondan çox pulu alıb, onları aldatmaqda təqsirləndirilir. Ona qarşı CM-nin 178.3.2 (külli miqdarda ziyan vurmaqla dələduzluq) maddəsiylə ittiham irəli sürülüb.

Deputatın oğlu Həbib Axundov da dostu haqqında cinayət işində zərərçəkmiş qismində tanınıb.

Lakin pulları mənimsənilən digər zərərçəkmişlər baş verənlərə görə H.Axundovun özünü ittiham edirlər. Bildirirlər ki, təqsirləndirilən şəxslə deputat oğlu dost olub.

Onları bu işə H.Axundov qoşub, pulların da bir qismini ona veriblər.

Paylaş:

Share

Son Əlavələr

  • GÜNDƏM
  • XuralTAC

Əli Kərimlinin alnına 9 tikiş vurulub-FOTO

AXCP sədri Əli Kərimlinin 19 oktyabr mitinqində həbs edləndən sonra polislərin döyməsi nəticəsində başından aldığı xəsarəti göstərən yeni foto yayılıb.…

22 Oktyabr 2019 5:17 axşam
  • GÜNDƏM
  • MANŞET
  • XuralTAC

Əvəz Zeynallı Əli Kərimlini döyənlərdən yazdı

19 oktyabrda baş verən mitinqdə AXCP sədri Əli Kərimlinin polis tərəflərindən vəhşicəsinə döyülməsi ictimaiyyətdə geniş rezonans doğurub. Ölkə ictimaiyyətinin əksəriyyəti…

21 Oktyabr 2019 7:42 axşam
  • DÜNYA
  • XuralTAC

İspaniya diktatoru Frankonun nəşi yenidən müayinə olunacaq

İspaniyanın sabiq rəhbəri, general Fransisko Frankonun nəşi oktyabrın 24-də yenidən müayinə olunacaq. Xural.com DW xəbərə istinadən verir ki, hazırda Madrid yaxınlığındakı…

21 Oktyabr 2019 7:22 axşam
  • GÜNDƏM
  • XuralTAC

Əli Həsənov və Hacıbala Abutalıbov vəzifələrindən azad olundular-SƏRƏNCAM

Baş nazirin iki müavini - Əli Həsənov və Hacıbala Abutalıbov vəzifələrindən azad olunublar. Musavat.com xəbər verir ki, bu barədə Azərbaycan…

21 Oktyabr 2019 7:17 axşam
  • GÜNDƏM
  • XuralTAC

Röya xalq artisti oldu

Prezident İlham Əliyev "Azərbaycan Respublikasının estrada ifaçılarına "Xalq artisti” fəxri adının verilməsi haqqında" sərəncam imzalayıb. Qaynarinfo xəbər verir ki, sərəncamla…

21 Oktyabr 2019 7:15 axşam
  • GÜNDƏM
  • XuralTAC

Ankaradan Əliyev hakimiyyətinə sərt təpki: “Xalqın səsini eşidin”

“Ölkəni yaşanmaz bir həbsxanaya çevirmək, Azərbaycanı idarə edənlər üçün bir üz qarasıdır” Məhəmməd Əmin Rəsulzadənin silahdaşı, Türkiyədə fəaliyyət göstərən Azərbaycan…

21 Oktyabr 2019 5:18 axşam
Xural.COM