DİN: “Rejissoru velosipedlə vuran şəxslər saxlanılıblar”
Yayımlandı: 30 Avqust 2024 14:25
Hazırda araşdırmaların davam etdirildiyi bildirilir
Bakının Nəsimi rayonunda rejissor Elvin Adıgözəl velosipedlə vurub qaçan şəxslər saxlanılıblar.
Daxili İşlər Nazirliyinin (DİN) mətbuat xidmətindən Meydan TV-yə bildirilib ki, avqustun 25-də axşam saatlarında Elvin Adıgözəl qarşı hüquqazidd hərəkətlər edən E.Əsgərov, C.İsmayılov və Q.Abdullayev polis əməkdaşlarının keçirdikləri tədbirlər nəticəsində müəyyən olunaraq saxlanılıblar.
Fakt üzrə Nəsimi Rayon Polis İdarəsində araşdırmaların davam etdirildiyi bildirilir.
Elvin Adıgözəl avqustun 25-də axşam saat 10 radələrində üç velosipedçi tərəfindən vurulduğunu deyib.
Nəticədə rejissorun qolu sınıb, müxtəlif bədən xəsarətləti alıb.
Elvin Adıgözəl Meydan TV-yə hazırda müalicəsini evdə davam etdirdiyini bildirib.
