Ekvadorda zəlzələ qurbanlarının sayı artır: 77 ölü, 600-ə yaxın yaralı (FOTO, VİDEO)

Ekvadorda baş verən 7,8 ballıq zəlzələ nəticəsində ölənlərin sayı 77-yə, yaralıların sayı isə 588-ə çatıb.

Strateq.az xarici mətbuata istinadən xəbər verir ki, bu barədə Ekvador Prezident Administrasiyasından məlumat verilib.

Xatırladaq ki, zəlzələnin episentri Muisne yaşayış məntəqəsindən 27 kilometr cənub-şərqdə yerləşib. Təkanlar 19,2 kilometr dərinlikdə qeydə alınıb.

Hadisə zamanı dağıntılar baş verib, paytaxt Kitonun elektrik enerjisi ilə təchizatı qismən dayandırılıb.