Rubrikalar: GÜNDƏM XuralTAC

Emin Əfəndiyev poçt şöbəsini 650.000 AZN-ə satıb-NAZİRİ DƏ SAYMIR

“Azərpoçt” MMC-nin ötən il yenilənən rəhbərliyinin fəaliyyəti barədə redaksiyamıza daxil olan məlumatlar kifayət qədər ciddi araşdırma predmeti təşkil edir.

Rabitə sektorundakı mənbənin “AzPolitika.info”-ya verdiyi məlumata görə, son zamanlar “Azərpoçt”un yerlərdəki poçt şöbələrinin yerləşdiyi əmlaklar yavaş-yavaş “əriyir” – özəlləşdirilərək satılır və şöbələrin əvvəllər hətta 500-600 kv.metr olan əraziləri 40 kv.metrə endirilir.

Rabitəçilər iddia edirlər ki, sonuncu dəfə belə bir “əməliyyat” «Azərpoçt» MMC-nin paytaxtdakı 2 saylı filialının 138 saylı poçt şöbəsində həyata keçirilib: “”Azərpoçt”un təkcə Bakı şəhərində 100-dən artıq şöbəsi fəaliyyət göstərir. Sovet dövründə əksər binaların birinci mərtəbəsini başdan-başa əhatə edən poçt şöbələrinin çoxunun ərazisi ya satılıb, ya da kiçildilərək balaca bir otağa çevrilib. Məsələn, “İnşaatçılar” metrosunun yaxınlığında yerləşən 138 saylı Poçt Şöbəsinin də sahəsi satılıb. Şöbəyə əvvəlcə ATS-in binasında, sonra isə yeni açılan “Şəbəkə” xidmət mərkəzində yer verməklə kifayətləniblər”.

Qeyd edilir ki, həmin şöbənin yerləşdiyi əmlak “Azərpoçt”un rəhbərliyi tərəfindən satılıb: “100 kv.metrdən çox sahəsi olan poçt şöbəsi “Azərpoçt” rəhbərliyi tərəfindən 650 min manata satılıb. Ən maraqlısı odur ki, “Azərpoçt”un baş direktoru poçt şöbələrini satır, sonra da yeni sahibindən baha qiymətə icarəyə götürür…”

Mənbə qurumun rəhbəri Emin Əfəndiyevin hətta nazirlə də hesablaşmadığını iddia edir: “Maraqlı məqamlardan biri odur ki, baş direktor ya özü həddindən artıq sərbəst adamdır, ya da onun üçün bu cür sərbəstliyi yaradanlar var. Çünki o, hətta nazir Ramin Quluzadənin belə sözünə məhəl qoymur…”

Redaksiyamıza müraciət edən mənbə sonda rabitəçilərin “Azərpoçt”da baş verənlərlə bağlı narazılıqlarının nəzərə alınacağını və nəhayət, ölkə rəhbərliyinin, hüquq-mühafizə orqanlarının qurumdakı neqativ hallarla maraqlanaraq, ölçü götürəcəklərinə ümid etdiklərini bildirir.

Xural.com-un özəl mənbələrdən aldığı məlumatda bildirilir ki, Emin Əfəndiyevin 2015-2018-ci illərdə beynəlxalq bankın Moskva filialında işləyib. “Bu adamın poçtdan və poçt sistemindən başı çıxmır, anlayışı yoxdur. Ona görə də ağlına gələni edir, naziri belə saya salmır” – deyən mənbə, Emin Əfəndiyevin poçt sistemini dağıtdığını, bunun isə gələcəkdə ciddi fəsadlara yol açacağını bildirdi.

Təəssüf ki, “Azərpoçt”un rəhbərliyi bu məlumatlara, şikayət və ittihamlara aydınlıq gətirmək istəmir.

Paylaş:

This post was last modified on 27 İyul 2019 3:02 səhər

Son Əlavələr

  • GÜNDƏM
  • XuralTAC

“Düşmən ümid edir ki, Azərbaycanda satqın bir nəsil formalaşacaq”-ŞOK

İlham İsmayıl Düşmən ümid edir ki, Azərbaycanda satqın bir nəsil formalaşacaq və Qarabağı təslim edəcək... Azərbaycan parlament seçkilərinə hazırlaşır. Ermənilər…

10 Dekabr 2019
  • GÜNDƏM
  • MANŞET
  • XuralTAC

Tural Abbaslı və Pənah Hüseyn “Siyasət meydanında”: “Seçkilərə kimlər gedir?..”-VİDEO

Azərbaycan Xalq Partiyasının sədri Pənah Hüseyn və AĞ Partiyanın sədri Tural Abbaslı 09 dekabr 2019-cu il, saat 19:00-da canlı yayında…

10 Dekabr 2019
  • GÜNDƏM
  • MANŞET
  • XuralTAC

Zəlimxan Məmmədli “Siyasət meydanı”nda: “Müxalifət birləşə bilmir”-VİDEO

“Borçalı” Cəmiyyətinin sədri Zəlimxan Məmmədli 09 dekabr 2019-cu il, saat 17:00-da canlı yayında Xural TV-nin təsisçisi və baş redaktoru Əvəz…

10 Dekabr 2019
  • GÜNDƏM
  • XuralTAC

Qüdrət Həsənquliyev Milli Məclisin Gəncəyə köçürülməsini təklif etdi

Bütöv Azərbaycan Xalq Cəbhəsi Partiyasının (BAXCP) sədri, deputat Qüdrət Həsənquliyev Moderator.az saytına qısa müsahibə verib. Müsahibəni xural.com oxucuları üçün təqdim…

8 Dekabr 2019
  • GÜNDƏM
  • XuralTAC

Ümid Partiyası seçkilərdə iştirak qərarı verdi-72 namizədlə

Ümid Partiyası 09 fevral 2020-ci ildə keçiriləcək Azərbaycan Respublikasının Milli Məclisinə növbədənkənar seçkilərində iştiraka qərar verdi. 07 dekabr 2019-cu ildə…

7 Dekabr 2019
  • GÜNDƏM
  • XuralTAC

Cərrahlar Rəşad Mahmudov və Mircəlal Kazımi dünyada bir ilkə imza atdı

Azərbaycanlı cərrahlar Rəşad Mahmudov və Mircəlal Kazımi dünyada ilkə imza atıblar. Publika.az xəbər verir ki, cərrahlar Mərkəzi Gömrük Xəstəxanasında keçirdikləri eyni…

7 Dekabr 2019
Xural.COM