Ermənistanın ədliyyə naziri Köçəryanın qızı ilə fotosu yayıldıqdan sonra istefa verib
Yayımlandı: 2 Oktyabr 2024 15:17
“Öyrəndim ki, mənim “Mülki Müqavilə” fraksiyasının iyirmiyə yaxın deputatı ilə problemim var”
Ermənistanın ədliyyə naziri Qriqor Minasyan keçmiş prezident Robert Köçəryanın qızı ilə 2019-cu ildə çəkilmiş fotosu yayıldıqdan sonra istefa verib.
“OC Media”nın məlumatına görə, həmin foto yayıldıqdan sonra hakim partiyadan olan deputatlar onun istefasını tələb edib.
Minasyan “Facebook” hesabından istefa verdiyini açıqlayıb.
“Bu gün mən səlahiyyət müddətimə qarşı petisiyaya qoşulmaq qərarına gəldim. Mən istefa ərizəmi Baş nazirə təqdim etdim”, – o, sentyabrın 25-də dərc olunmuş istefa ərizəsinə istinadən yazıb.
O, həmçinin qeyd edib ki, “ən azı bir deputatla müsbət əməkdaşlıq” olmadan nazir vəzifəsini tutmaq çətindir.
“Öyrəndim ki, mənim “Mülki Müqavilə” fraksiyasının iyirmiyə yaxın deputatı ilə problemim var”, – Minasyan yazıb.
Müraciət açıqlanmasa da, “Mülki Müqavilə” fraksiyasının üzvləri mediaya təsdiqləyiblər ki, onlar Minasyanın kadr siyasətindən narazı olduqları üçün onun işdən çıxarılmasında israrlıdırlar.
Nazirin işdən çıxarılmasına dair çağırışlar onun müavini Sirvard Gevorgyanın Köçəryanın qızı Qayane Köçəryan və keçmiş ədliyyə naziri Arpine Hovhannisyan ilə şəkil çəkdirdiyi 2019-cu il tarixli fotonun internetdə yayılmasından həftələr sonraya təsadüf edib. Fotoda Gevorgyan Köçəryanın tərcümeyi-halının surətini əlində saxlayır.
