Flora Kərimova şagirdlərlə bir arada-VİDEO&FOTO
Ötən ayın 13-də Bakı şəhəri, Nərimanov rayonu, Arif Vəliyev adına 258 saylı tam orta məktəbdə əlamətdar gün idi. Məktəbin direktoru Sədaqət Hüseynova, kitabxanaçı-təşkilatçı Mehriban Nəcəfova və məktəbin müəllim-şagird heyəti çox həyəcanlı idilər. Məktəbdə ölkənin tanınmış adamları ilə Vətənpərvərlik mövzusunda görüş keçirilirdi. Gözəl şair Ramiz Qusarçaylı, canlı əfsanə, korifey sənətkar, Xalq artisti Flora xanım Kərimova, vətənpərvər şeirlərin mahir ifaçısı, Azərbaycanın məşhur qiraət ustası Əməkdar artist Ağalar Bayramov, sevimli müğənni Aslan Hüseynov məktəbin qonağı idilər. Şagirdlər Ramiz Qusarçaylının şeirlərini öyrənmişdilər. Görüşdə məktəbin adını daşıdığı şəhid Arif Vəliyevin anası Solmaz xanım, Nərimanov rayon İcra Hakimiyyətinin başçısının müavini İradə xanım, ustad aşıq Aşıq Əhliman da iştirak edirdilər. Yaddaqalan və çoşğulu keçən tədbirdən şagirdlər ömür boyu unutmayacaqları təəssüratlarla ayrıldılar. Onların əl işlərindən ibarət tabloları isə məktəbin direktoru Sədaqət xanım qonaqlara hədiyyə etdi. Tədbirdən sonra məktəbin kitabxanasında hazırlanmış çay süfrəsində müzakirələr davam etdi.
xural.com 258 saylı tam orta məktəbdə baş tutan bu görüşü lentə aldı və Oxucu-tamaşaçılarına təqdim edir:
Tədbirdən sonra yadda qalan fotolar:
xural.com