Fövqəlnazir Gəncə, Kəpəz və ətraf rayonların sakinlərilə görüşəcək
Prezident seçkiləri yaxınlaşdıqca hökumətin ayrı-ayrı nümayəndələrinin vətəndaşlarla ünsiyyəti davamlı hal alır. Artıq xeyli müddətdir ki, nazirlər bölgələrə üz tutaraq, yerli sakinlərlə görüşürlər. Moderator.az-ın əldə etdiyi məlumata görə, vətəndaşlara görüşə gedən növbəti nazir Fövqəladə Hallar Naziri Kəmaləddin Heydərovdur. İyunun 28-də FHN rəhbəri Gəncə şəhərində olacaq. Məlumatlara görə K.Heydərov bu müddətdə Gəncə, Kəpəz və ətraf rayonların da sakinlərilə görüşəcək.