Gömürkdə sürücü və gömrükçülər arasında insident baş verib – VİDEO
Yanvarın 8-də səhər saatlarında Azərbaycan-Gürcüstan sərhəddində “Sınıq Körpü” Nəzarət Buraxılış Məntəqəsində bir qrup sürücü və gömrükçülər arasında insident baş verib.
Rəsmi məlumata əsasən, yeddi avtomobil sürücüsü avtomobillərin yük yerində daşıdıqları 200 kq meyvəyə görə gömrük rüsumu ödəməkdən imtina edib. (Turan)
Münaqişə qarşıdurmaya keçib. Hadisə yerinə polis dəstələri çağırılıb. Nəticədə NBM-nin işi bir saatlıq dayandırılıb.
Eyni zamanda, sürücülərdən bəziləri gömrükçüləri rüşvət tələb etməkdə ittiham edir və dövlət başçısının hər bir vətəndaşın on min dollar dəyərində məhsulu rüsum ödəmədən sərbəst şəkildə ölkəyə gətirə biləcəyi haqqında sərəncamına istinad edir.
