Goranboyun başçısının xanımında və birinci müavinində də koronavirus aşkarlandı
Goranboy Rayon İcra Hakimiyyəti başçısının birinci müavini Ceyhun Həsənovda koronavirus aşkarlanıb.
Unikal.org-un məlumatına görə, C.Həsənov koronavirus (COVİD-19) infeksiyasına yoluxub. O, hazırda Mərkəzi Gömrük Hospitalına yerləşdirilib.
Goranboy İcra Hakimiyyəti karantinə alınıb.
Qeyd edək ki, Goranboy Rayon İcra Hakimiyyətinin başçısı Məhərrəm Quliyevin həyat yoldaşında da koronavirus aşkarlanıb. Onlar da Mərkəzi Gömrük Hospitalında müalicələrini davam etdirirlər.
