Gözəl Bayramlı polisə çağırıldı
AXCP sədrinin müavini Gözəl Bayramlı Daxili İşlər Nazirliyinə çağırılıb
DİN-in Təhqiqat İdarəsindən gələn dəvətlə G.Bayramlı saat 14.00-da nazirlikdə olacaq. G.Bayramlı DİN-ə çağırılmasının səbəbi barədə “Azadlıq”a danışarkən deyib ki, 17 aprel mitinqinə görə həbs edilərkən Ombudsman nümayəndəsi təcridxanada onunla görüşüb, o da Ombudsmanın nümayəndəsinə üzləşdiyi işgəncə faktları barədə məlumat verib. Ombudsman da bununla bağlı daxili işlər nazirinə məktub ünvanlayıb. G.Bayramlının DİN-ə dəvət edilməsi də bu müraciətlə əlaqədardır.
