Rubrikalar: GÜNDƏM XuralTAC

Həbsdəki hüquqşünas aclığa başlayıb

Avqustun 7-də Əliabbas Rüstəmovun şikayətinə Ali Məhkəmədə baxılacaq

Yerli və beynəlxalq hüquq müdafiəçilərinin siyasi məhbus kimi tanıdığı hüquqşünas Əliabbas Rüstəmov saxlanıldığı cəzaçəkmə müəssisəsində iyulun 25-dən aclığa başlayıb.

Bu haqda məlumatı Əliabbas Rüstəmov özü telefonla jurnalistlər Şahvələd Çobanoğlu və Vidadi Məmmədova bildirib. Vəkillərinin yanına gələ bilməməsinə görə Əliabbas Rüstəmov aclıq aksiyasını yalnız indi ictimailəşdirə bilib.

Əliabbas Rüstəmov qanunsuz həbs edildiyini və girov saxlanıldığını söyləyib. Həbs olunanadək Vəkillər Kollegiyasının üzvü olan Ə.Rüstəmov ona qarşı açılan cinayət işinin saxta olmasını sübut edən sənədlərin olduğunu deyir.

Bu ilin mart ayında cəzasının 2/3-dən çox hissəsinin keçməsi ilə əlaqədar olaraq azad edilməsi ilə bağlı şikayəti təmin edilməyib.

Əliabbas Rüstəmov saxlanıldığı cəzaçəkmə müəssisəsinin keçmiş rəhbərliyinin onun barəsində saxta sənəd tərtib etdiyini deyib. Həmin sənədə görə Ədliyyə Nazirliyi yanında ictimai komissiya onun vaxtından əvvəl azad olunmaması barədə rəy verib. Ə.Rüstəmovun vəkili Cavad Cavadlı məhkəməyə bildirib ki, komissiya məhbusun özü ilə görüşmədən belə rəy verə bilməz. Məhkəmədən sonra komissiyanın üzvü Səadət Bənanyarlı Meydan TV-yə bildirib ki, həqiqətən də, onlar heç vaxt Əliabbas Rüstəmovun məsələsinə baxmayıblar və deyilən rəyi verməyiblər.

Avqustun 7-də eyni şikayətə Ali Məhkəmədə baxılacaq. Əliabbas Rüstəmov saxtakarlığa son qoyulmasını və azadlığa buraxılmasını tələb edir. Ə.Rüstəmov yerli və beynəlxalq hüquq müdafiəçilərini, Azərbaycan ictimaiyyətini onun məsələsini diqqətdə saxlamağa çağırıb.

Ə.Rüstəmovun digər vəkili Elçin Sadıqov iyulun 30-da onunla görüşə gedəcəyinə bildirib. Vəkil Ə.Rüstəmovun aclıq aksiyası keçirməsindən xəbərsiz olduğunu bildirib.

Ə.Rüstəmov 2014-cü il iyunun 28-də həbs olunub. Ona qarşı Cinayət Məcəlləsinin 312.2 (rüşvət vermə) və 313-cü (vəzifə saxtakarlığı) maddələri ilə ittiham irəli sürülüb. Bakı Ağır Cinayətlər Məhkəməsinin hökmü ilə tanınmış hüquqşünas irəli sürülən maddələrlə təqsirli bilinərək 7 il azadlıqdan məhrum edilib.

2017-ci ilin iyulunda Ali Məhkəmə Əliabbas Rüstəmovun cəzasını azaldaraq 7 ildən 6 ilə endirib.

İttiham aktına görə, “Yasavul” MMC-nin direktoru Əliabbas Rüstəmovun qanunsuz hərəkətləri barədə Baş prokuror yanında Korrupsiyaya qarşı Mübarizə Baş İdarəsinə daxil olmuş müraciət əsasında istintaq-əməliyyat tədbirləri həyata keçirilib. Əliabbas Rüstəmov Vergilər Nazirliyinin Vergi Cinayətlərinin İbtidai Araşdırılması Departamentinin İstintaq idarəsində Beyləqan rayon sakini barəsində Cinayət Məcəlləsinin 213.2.2-ci (vergi ödəməkdən yayınma) maddəsi ilə başlanmış cinayət işi üzrə cinayət təqibinə xitam verilməsi və sonuncunun cinayət məsuliyyətindən azad olunması barədə vəd verib. O, guya işin ibtidai istintaqını aparan şəxsə 90 min manat məbləğində rüşvət verilməsi üçün rayon sakinindən cəmiyyətin ofisində 95 min manat məbləğində pulu alarkən cinayət başında saxlanılıb. Vəkil bütün bunların qurama olduğunu bildirir və ittihamları rədd edir. Yerli və xarici hüquq müdafiəçiləri onu siyasi məhbus hesab edirlər.

Əliabbas Rüstəmov əvvəllər Vəkillər Kollegiyasının üzvü olub.

Paylaş:

Son Əlavələr

  • GÜNDƏM
  • XuralTAC

Azərbaycanın Rus İcması İlham Əliyevə müraciət etdi

Azərbaycanın Rus İcması Azərbaycan Respublikasının Prezidenti, Azərbaycan Silahlı Qüvvələrinin Ali Baş Komandanı İlham Heydər oğlu Əliyevə məktub ünvanlayıb. Xural.com-un məlumatına…

23 Noyabr 2020
  • GÜNDƏM
  • XuralTAC

İlham Əliyev və Mehriban Əliyeva Ağdam məscidində

Xəbər verdiyimiz kimi, noyabrın 23-də Azərbaycan Respublikasının Prezidenti, Silahlı Qüvvələrin Müzəffər Ali Baş Komandanı İlham Əliyev və Birinci vitse-prezident Mehriban…

23 Noyabr 2020
  • GÜNDƏM
  • XuralTAC

Ombudsman: “Uşaqlara qayğı …şəxsiyyət yetişdirmək kimi ülvi məqsədə xidmət etməlidir”-MÜSAHİBƏ

Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva 20 noyabr – Ümumdünya Uşaqlar Günü münasibətilə apa-ya müsahibə verib. Xural.com…

22 Noyabr 2020
  • GÜNDƏM
  • XuralTAC

Bakıda birgə koronavirus reydləri

Son günlərdə COVID-19 virusuna yüksək yoluxma dinamikası qeydə alındığından Azərbaycanda virusun yayılmasının və onun törədə biləcəyi fəsadların qarşısının alınması məqsədilə…

21 Noyabr 2020
  • GÜNDƏM
  • XuralTAC

Ermənistan yeni XİN başçısı haqqında qalmaqallı məlumatlar yayılıb

Ermənistanın yeni xarici işlər naziri Ara Ayvazyan barəsində qalmaqallı məlumatlar yayılıb. “Report” xəbər verir ki, məlumatları “Novosti Armeniya” yayıb. Argentinada ispan…

21 Noyabr 2020
  • GÜNDƏM
  • XuralTAC

Kəlbəcərdə “2 min ildir yaşayan” mülki işğalçılar elektrik stansiyasını da yandırır

Kəlbəcərdən çıxmağa hazırlaşan erməni mülki işğalçılarının qalıqları onlara verilmiş əlavə müddətdən istifadə edərək daha geniş talançılıq və barbarlıq əməlləri törətməkdədir.…

21 Noyabr 2020
Xural.COM