Həbs edilən generalın qardaşı Avropada hansı vəzifədədir?

Xəbər verdiyimiz kimi, Azərbaycan Ordusunun sabiq birlik komandiri, Milli Qəhrəman Rövşən Əkbərov barəsində 4 aylıq həbs qətimkan tədbiri seçilib. Silahlı Qüvvələrdə general-leytenant ali hərbi rütbəsinə kimi yüksəlmiş R.Əkbərov Azərbaycanın ən tanınmış hərbçilərindən sayılır.

Demokrat.az-ın xəbərinə görə, generalın ailə üzvləri də müxtəlif vəzifələrlə kök salmağı bacarıb. Belə ki, Rövşən Əkbərovun kiçik qardaşı Qulam Əkbərov Azərbaycanın Avstriyadaki səfirliyində hərbi attaşenin müavini vəzifəsini daşıyır. Onun rütbəsi polkovnik-leytenantdır. 

Q.Əkbərovun tutduğu vəzifədə olan kəslər diplomatik nümayəndəliyin tərkibində müəyyən ixtisaslaşmış sahə üzrə dövləti təmsil edir. Həmin sahə ilə bağlı məlumat toplayırlar. Onların bu fəaliyyəti bəzən qanuni casusluq kimi qiymətləndirilir.