Həstərxan və Moskvada terror törədilə bilərdi?!

FTX Moskvada və Həştərxan bölgəsində terror hücumlarının qarşısını alıb – bir terrorçu tutulub, digəri məhv edilib.
Rus mətbuatı yazır ki, Rusiya FTX-si, Rusiya Federasiyasında qadağan edilmiş “İslam Dövləti” beynəlxalq terror təşkilatı üzvləri tərəfindən Həştərxan bölgəsində hazırlanan terror hücumu zamanı bir nəfər silahlı müqavimət göstərdiyi üçün öldürülüb.

FTX Moskvada və Həştərxan bölgəsində terror hücumlarının qarşısını aldığını açıqlayıb. Bildirilir ki, ikinci terrorçu  Moskvada tutularaq, həbs edilib. Bu barədə TASS-a cümə axşamı Rusiya FTX-nin İctimaiyyətlə Əlaqələr Mərkəzindən (DSP) məlumat verilib:

“Federal Təhlükəsizlik Xidməti (FTX), Rusiya Federasiyasında qadağan edilmiş İslam Dövləti beynəlxalq terror təşkilatı üzvləri tərəfindən terror aktlarının hazırlanmasının qarşısını alıb. Terrorist strukturun rəhbərlərinin göstərişi ilə hərəkət edən iki Rusiya vətəndaşı, Moskva sakinlərinə qarşı eyni vaxtda hücum planlaşdırıb. Həştərxanda kütləvi insan izdihamının olduğu yerlərdə odlu silah və soyuq silahdan istifadə edilib”.

Həbs zamanı Həştərxan bölgəsindəki cinayətkarlardan biri silahlı müqavimət göstərib: “O, Rusiya FTX-nin xüsusi bölmələrinin qüvvələri tərəfindən cavab atəşi ilə zərərsizləşdirilib. Təşkilatın digər üzvü Moskvada tutularaq, həbs edilib. Təhlükəsizlik əməkdaşları və mülki əhali arasında yaralanan olmayıb”.

Terrorçuların yaşayış yerlərində avtomatik odlu silah və döyüş sursatları, F-1 qumbarası və dini ekstremist ədəbiyyat aşkar edilərək götürülüb. Terror təşkilatının fəaliyyətində iştirak faktına görə cinayət işi başlanılıb.

xural.com