Rubrikalar: CƏMİYYƏT XuralTAC

Hüquq müdafiəçiləri siyasi məhbuslarla görüşüblər

Hüquq müdafiəçiləri Eldəniz Quliyev və Hacı Rövşən 6 saylı cəzaçəkmə müəssisəsində və “Qobustan” qapalı tipli həbsxanasında olublar və müxtəlif siyasi məhbuslarla görüşüblər. Xural.com xəbər verir ki, bu haqda Eldəniz Quliyev özünün facebook səhifəsində yazıb. Xural.com Eldəniz Quliyevin statusunu təqdim edir:

“Dünәn biz – Hacı Rövşәn vә mәn 6 saylı cәzaçәkmә müәssisәsindә, elәcә dә “Qobustan” qapalı tipli hәbsxanasında olduq…
6 saylıda әvvәlcә müәssisәnin rәisi Mәmmәd Mahmudovla, sonra isә siyasi mәhbus dostlarımız – AXCP fәalı Babәk Hәsәnli vә Müsәlman Birliyi Hәrakatının üzvü Әhsәn Nuruzadә ilә görüşdük. Qeyd edim ki, Ә.Nuruzadә hazırda 10 günlük “kars” cәzası alıb və ölüm aclığına başlayıb. Ancaq bunlara baxmayaraq, hәr iki dostumuzun әhvali-ruhiyyәsi vә mübarizә ruhu çox yüksәkdir. Vә hәr ikisi hәbsxana hәyatını siyasi vә mәnәvi mübarizә fәaliyyәtlәrinin tәrkib hissәsi kimi qәbul edirlәr.
Babәk bәyin demәk olar ki, heç bir şikayәti yox idi, sağlamlıq durumu da qaydasındaydı. Biz hәbsxana rәisindәn Ә.Nuruzadәnin vaxtından әvvәl karsdan azad olunmasını xahiş etdik. Elә bilirәm ki, xahişimiz qәbul olundu. Rәis hәtta 10 dәqiqәdәn sonra Ә.Nuruzadә ilә şәxsәn görüşüb söhbәt edәcәyini vә mümkün olan kömәklik göstәrәcәyini dedi. Biz dә öz növbәmizdә, hәm öz adımızdan, hәm dә dostları vә anası adından Әhsәn bәydәn ölüm aclığını dayandırmasını xahiş etdik. Şükürlәr ki, xahişimizi yerә salmadı, aclığı dayandırmaq qәrarı verdi.
Yeri gәlmişkәn, qeyd edim ki, müәssisәnin rәis müavini işlәyәn Zahid Bәdirxanov soyadlı birisinin adı kalonda baş verәn bütün mәkrli vә çirkin oyunlarda hallanır. Onun ifrat vә әdalәtsiz әmәllәri barәdә bir neçә nәfәrdәn eşitdik vә tәbii ki, öz narazılığımızı dәrhal rәis M.Mahmudova bildirdik. Rәis mәsәlәni aydınlaşdıracağını və müvafiq tәdbir görәcәyini bildirdi.
Daha sonra biz “Qobustan” hәbsxanasında olduq. Vә yenә dә ilk olaraq bizi rәis Aftandil Ağayev qәbul etdi. Hacı Taleh vә Hacı Mövsüm Sәmәdovla, o cümlәdәn Nardaran mәhbusu Cabbar Cabbarovla bağlı problemlәr haqda danışdıq. Bәzi mәsәlәlәr yerindәcә hәll olundu. Әvvәl Hacı Taleh Bağırzadә ilә, sonra Hacı Mövsüm Sәmәdovla, daha sonda isә Cabbar Cabbarovla görüşüb geniş vә sәmimi söhbәtlәr etdik. Dostlara, әqidәdaşlara vә doğmalara salam-dualarını dedilәr.
Gizlәtmirәm: şәxsәn mәn bu işıqlı insanlarda olan iradәyә, Azadlıq eşqinә, Allah sevgisinә, lәyaqәt vә әzmkarlığa qibtә elәdim.
ALLAHIM, bu gözәl İNSANLARIN bağlı qapılarının açılmasına yardımçı ol! Amin!”

Xural.com

Paylaş:

Son Əlavələr

  • GÜNDƏM
  • XuralTAC

Hüquq müdafiəçisi Əlövsət Sadıqlı Bakı şəhər Prokurorluğuna çağırılıb

Xural.com xəbər verir ki, bu barədə o, özünün feysbuk səhifəsində məlumat yayıb. Əlövsət Sadıqlı sabah, yəni 18.11.2019-cu il tarixdə saat…

18 Noyabr 2019
  • SİYASƏT
  • XuralTAC

Tramp üçün çətin günlər başladı-İMPİÇMENT

Ağ ev bu gün ABŞ prezidenti Donald Trampla Ukrayna prezidenti Vladimir Zelenskinin ilk telefon söhbətinin stenoqramını yayıb. Bu söhbət 21…

17 Noyabr 2019
  • GÜNDƏM
  • XuralTAC

Aqşin Yenisey xəstəxanaya yerləşdirilib

Tanınmış şair, yazıçı Aqşin Yenisey xəstəxanaya yerləşdirilib. Bu barədə “Report”a onun yaxınları məlumat verib. Bildirilib ki, A.Yenisey bu gün mədə…

17 Noyabr 2019
  • GÜNDƏM
  • XuralTAC

Tərtərin icra başçısının saysız-hesabsız obyektləri

Tərtər rayonunun icra hakimiyyətinin başçısı Müstəqim Məmmədov rayonda çoxsaylı kommmersiya obyektlərinə sahibdir və onları icarəyə verib. Xural.com virtualaz.org-a istinadən xəbər…

17 Noyabr 2019
  • GÜNDƏM
  • XuralTAC

Arif Hacılı istefa tələblərinə sərt cavab verdi

Almaniya federal polisi tərəfindən mühacir alveri ilə məşğul olmaqda ittiham olunan şəxslərin saxlanması bu qalmaqalda adı hallanan Müsavat Partiyasında ciddi…

16 Noyabr 2019
  • CƏMİYYƏT
  • GÜNDƏM
  • XuralTAC

Ramiz Mehdiyev AMEA-da – idarə və şöbələr ləğv olunub

Azərbaycan Milli Elmlər Akademiyasında (AMEA) struktur islahatları aparılıb. Bu barədə “Report”un sorğusuna cavab olaraq AMEA-dan bildirilib. AMEA prezidenti, akademik Ramiz Mehdiyevin…

13 Noyabr 2019
Xural.COM