Rubrikalar: GÜNDƏM SİYASƏT XuralTAC

İlyas İsmayılov: “Əli Həsənov məddahlıqda həddini aşaraq Prezidenti çətin vəziyyətdə qoyur”

“Siyasi rejimlərin çöküşü xalqa təlqin olunan rəsmi ideologiyaların inadırıcılıq qabiliyyətini itirməsindən başlayır. Rejimlər bu mərhələyə çatanda rəsmilərin dilə gətirdiyi hər söz gülüş obyektinə çevrilir. Mövcud hakimiyyət də hazırda bu mərhələni yaşayır”.

Ədalət Partiyasının sədri, hüquq elmləri doktoru İlyas İsmayılov Ovqat.com-a açıqlamasında belə deyib.

İlyas İsmayılovun bu iddialarına ən tutarlı dəlil kimi Baş nazirin müavini Əli Həsənovun bu yaxınlarda söylədiyi bir fikri misal gətirib:

“Xatırlayırsınızsa, Əli Həsənov Azərbaycan ordusunun bir günə Dağlıq Qarabağı işğaldan azad edəcəyini, lakin İlham Əliyevin buna imkan vermədiyini söyləmişdi. Ölkə başçısının bu məsələdə həvəssizliyini isə onun humanizmi ilə əsaslandırmışdı. Demişdi ki, İlham Əliyev qan tökülməsini istəmədiyi üçün müharibə etmək istəmir”.

Əli Həsənovun bu sözlərini “nə danışdığını bilməmək” kimi qiymətləndirən partiya sədrinin fikrincə, bəzən bayağı təriflər siyasi rejimin zərərinə işləyir: “Bunun da ən bariz nümunəsi Əli Həsənovun həmin sözləridir. Guya İlham Əliyevin humanizmini təbliğ etmək istəyir, amma boğazdan yuxarı mədhiyyələrilə öz siyasi rəhbərini çətin vəziyyətdə qoyur. Çünki prezidentin bir nömrəli vəzifəsi ölkənin ərazi bütövlüyünü və suverenliyini qorumaqdır. Məhz buna görə də o, Ali Baş Komandan vəzifəsi daşıyır. Öz vəzifə borcunu yerinə yetirməyən prezidentin (əgər Əli Həsənovun dedikləri doğrudursa) bu hərəkətini humanizmiylə əlaqələndirmək olmaz. Çünki prezidentin düşmənə qarşı humanist olmaq öhdəliyi yoxdur. Humanizm ümumiyyətlə vəzifə yox, istəkdir, bir növ hədiyyə, mükafatdır. Vəzifə borcu heç bir zaman mükafata, hissə qurban verilə bilməz; özü də düşməni sevindirmək müqabilində. Əli Həsənovun sözlərindən isə belə çıxır ki, Azərbaycanın siyasi iradəsi erməniləri sevindirmək üçün humanizm nümayiş etdirir”.

Sözsüz ki, bunun belə olmadığını düşünən İlyas müəllim sadəcə Baş nazirin müavininin mədhiyyəçilikdə həddini aşdığına inanır: “Heyfsilənirəm ki, Azərbaycan prezidenti nə danışdığını bilməyən bu cür insanlarla işləyir”.

Azərbaycan məmurlarının postları laxlayan kimi günahlarını mədhiyyəçilik qabiliyyətləri ilə kompensasiya etdiklərini deyən İlyas İsmayılov Əli Həsənovun da bu qabiliyyət nümayişinə özünü qurban verdiyini bildirib: “Bilirsiniz ki, Əli Həsənov öz nəvəsinin güdazına getməkdən son anda qurtuldu. Nəvəsi avtoxuliqanlıqla canını aldığı Azərbaycan və Türkiyə vətəndaşlarının qanı qurumamış azadlığa buraxıldı. Üstəlik, zərərçəkənləri aldadaraq şikayətçi olmamalarını təmin etdiyi və sonra onlara verdiyi sözü yerinə yetirmədiyi ortaya çıxdı. Halbuki, cinayət prosesual qanunvericiliyə görə, bu cür hadisələrdə zərərçəkənlərin mövqeyi nəzərə alınmır, şikayət olmasa belə hadisəni törədənlər cəzalandırılırlar. Əli Həsənov isə bu işin səsi çıxmasın deyə, zərərçəkənləri susdurmağa çalışmışdı. Amma istədiyinə nail ola bilmədi. Türkiyə vətəndaşlarının şikayətləri qardaş mediada dərc olunan kimi Əli Həsənov da prezidentin ünvanına guya xoş sözlər deməklə yadda qalmaq istədi. Di gəl ki, bunu da bacarmadı. İlham Əliyev barədə elə mədhiyyə dedi ki, qaş düzəltmək əvəzinə göz çıxartdı”.

Güc çatdığı halda torpağı işğaldan azad etməməyin humanizmlə əlaqəsi olmadığını deyən partiya sədrinə görə, hərb sənətinin öz qaydaları var və Ali Baş Komandan da bu qaydalara uyğun hərəkət etməlidir: “Hərb sənətinin başlıca qaydasını isə böyük türk şairi Məhmət Akif Ərsoy belə ifadə edib:

“Bayraqları bayraq yapan üstündəki qandır,

Torpaq əgər uğrunda ölən barsa Vətəndir”.

Bütün Ali Baş Komandanlar da məhz bu qaydaya əməl edərək öz millətlərinin tarixində silinməz iz buraxırlar”.

Ədalət lideri, Əli Həsənovdan fərqli olaraq, indiki hakimiyyətin bu problemi həll etmək iqtidarında olmadığı üçün müharibədən yayındığına inanır. Onun sözlərinə görə, haklimiyyət Qarabağ problemini beynəlmilləlləşdirib və buna görə də guya müharibəyə başlacağı təqdirdə ciddi xarici təzyiqlərə məruz qalacağından çəkinir: “Sonda Əli Həsənova və digər hakimiyyət nümayəndələrinə Fransanın əfsanəvi generalı və prezidenti Şarl de Qolun məşhur bir kəlamını xatırlatmaq yerinə düşərdi: “Əgər doğrudan da müharibə ağılsızlıqdırsa, torpaqların düşmən tapdağı altında qalması və məğlubiyyətin etirafı bundan da betərdir”.

Paylaş:

Son Əlavələr

  • GÜNDƏM
  • XuralTAC

Azərbaycan Ordusunun bölmələri Kəlbəcərə daxil oldu – 02.04.1993-25.11.2020

Azərbaycan Respublikası, Rusiya Federasiyası Prezidentləri və Ermənistan Respublikası baş nazirinin imzaladığı üçtərəfli Bəyanata əsasən Azərbaycan Ordusunun bölmələri noyabrın 25-də Kəlbəcər…

25 Noyabr 2020
  • GÜNDƏM
  • XuralTAC

Azərbaycanın Rus İcması İlham Əliyevə müraciət etdi

Azərbaycanın Rus İcması Azərbaycan Respublikasının Prezidenti, Azərbaycan Silahlı Qüvvələrinin Ali Baş Komandanı İlham Heydər oğlu Əliyevə məktub ünvanlayıb. Xural.com-un məlumatına…

23 Noyabr 2020
  • GÜNDƏM
  • XuralTAC

İlham Əliyev və Mehriban Əliyeva Ağdam məscidində

Xəbər verdiyimiz kimi, noyabrın 23-də Azərbaycan Respublikasının Prezidenti, Silahlı Qüvvələrin Müzəffər Ali Baş Komandanı İlham Əliyev və Birinci vitse-prezident Mehriban…

23 Noyabr 2020
  • GÜNDƏM
  • XuralTAC

Ombudsman: “Uşaqlara qayğı …şəxsiyyət yetişdirmək kimi ülvi məqsədə xidmət etməlidir”-MÜSAHİBƏ

Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva 20 noyabr – Ümumdünya Uşaqlar Günü münasibətilə apa-ya müsahibə verib. Xural.com…

22 Noyabr 2020
  • GÜNDƏM
  • XuralTAC

Bakıda birgə koronavirus reydləri

Son günlərdə COVID-19 virusuna yüksək yoluxma dinamikası qeydə alındığından Azərbaycanda virusun yayılmasının və onun törədə biləcəyi fəsadların qarşısının alınması məqsədilə…

21 Noyabr 2020
  • GÜNDƏM
  • XuralTAC

Ermənistan yeni XİN başçısı haqqında qalmaqallı məlumatlar yayılıb

Ermənistanın yeni xarici işlər naziri Ara Ayvazyan barəsində qalmaqallı məlumatlar yayılıb. “Report” xəbər verir ki, məlumatları “Novosti Armeniya” yayıb. Argentinada ispan…

21 Noyabr 2020
Xural.COM