İmamverdi İsmayılov “Şöhrət” ordeni ilə təltif edilib
Prezident İlham Əliyev İmamverdi İsmayılovun “Şöhrət” ordeni ilə təltif edilməsi haqqında sərəncam imzalayıb.
APA-nın məlumatına görə, İ. İsmayılov Azərbaycan Respublikasının ictimai-siyasi həyatında fəal iştirakına görə təltif olunub.
Musavat.com İmamverdi İsmayılovun tərcümeyi-halından bəzi məqamları təqdim edir:
İmamverdi İsmayılov 1958-ci il iyunun 10-da Zəngilan rayonunun Vənətli kəndində anadan olub. Azərbaycan Dövlət Universitetinin jurnalistika fakültəsini və Bakı Sosial İdarəetmə və Politologiya İnstitutunu bitirib.
1995-ci ildən (5 çağırış) Azərbaycan Respublikası Milli Məclisinin deputatıdır.
Parlamentin Azərbaycan-Avstraliya parlamentlərarası işçi qrupunun rəhbəridir.
İmamverdi İsmayılov uzun illər jurnalist fəaliyyəti göstərib. Əməkdar jurnalist, “Qızıl qələm” mükafatları alıb.
Evlidir, 3 övladı var.
Musavat.com İmamverdi İsmayılovu 60 illik yubileyi və “Şöhrət” ordeni ilə təltif edilməsi münasibətilə təbrik edir.