Rubrikalar: GÜNDƏM XuralTAC

İran İnqilab Keşikçiləri etirazlar durmazsa, qəti addım atacaqlarını deyib

Dövlət mediası xəbər verir ki, ən azı 100 bank və onlarla bina və maşın yandırılıb

İranın İnqilab Keşikçiləri hökumət əleyhinə etirazçılara xəbərdarlıq ediblər ki, benzin qiymətindəki artımla bağlı narahatlıqlarını dayandırmayacaqları təqdirdə onlara qarşı sərt təhlükəsizlik tədbirləri həyata keçirilə bilər, “Reuters” xəbər verir.

Cümə günündən etibarən benzinin ən az 50 faiz qiymət artımı elanları ilə başlayan etirazlarda nümayişçilərin əsas tələbi rəhbər din xadimlərinin istefası olub. Dövlət mediası xəbər verir ki, ən azı 100 bank və onlarla bina və maşın yandırılıb.

İğtişaşların miqyası bəlli deyil. Hakimiyyət mitinqlər təşkil etmək və video yaymaq üçün sosial mediadan istifadəni və internetə girişi məhdudlaşdırıb.

Etirazlar 2017-ci ilin sonlarından bəri baş vermiş ən ağır iğtişaşlar kimi görünür. 2017-ci ildə onlarla şəhər və qəsəbədə yoxsul yaşayış səviyyəsinə etiraz olaraq təşkil edilmiş nümayişlər zamanı 22 nəfərin öldürüldüyü qeyd edilir. İki il bundan öncə baş vermiş etirazlar zamanı da etirazçılar şiə müsəlman elitasının nümayəndələrini istefaya çağırmışdı.

Prezident Həsən Ruhaninin hökuməti benzinin qiymətinin artmasının 18 milyon ailəyə, o cümlədən azgəlirli 60 milyon iranlıya əlavə subsidiya üçün ildə 2.55 milyard dollar toplamaq niyyəti ilə edildiyini qeyd edib.

Ancaq bir çox iranlı hökumətin daha çox iş və investisiya yatırımları vədlərini pozan ABŞ sanksiyalarından da hirsli və ümidsiz olduqlarını dilə gətiriblər.

“Lazım gələrsə, xalqın əmin-amanlığını və təhlükəsizliyini pozmaq üçün davam edən hər hansı bir addıma qarşı qətiyyətli və inqilabi hərəkətə keçəcəyik”,- İranın əsas təhlükəsizlik qüvvəsi olan İnqilabi Keşikçilər bəyanatında qeyd edib.

Bazar günü Ali rəhbər Ayətullah Əli Xameney baş verən qarışıqlıqda müxalif qüvvələri və xarici düşmənləri günahlandırıb, ictimai mülklərə hücum edən etirazçıları “qarətçi” və “xuliqan” adlandırıb.

Bəzi iranlılar sosial mediada polisin etirazçıları dağıtmaq üçün gözyaşardıcı qazdan istifadə etdiyini göstərən video yayımlayıb. Görüntülər “Reuters” agentliyi tərəfindən təsdiqlənməyib. Hakimiyyət deyib ki, bir polis və bir mülki şəxs öldürülüb və 1000 iğtişaşçı həbs edilib.

Hökumət sözçüsü Ali Rabiei, televiziyada keçirilən mətbuat konfransında deyib: “Qiyamçılar bıçaq və silah istifadə edib … Bir sıra təhlükəsizlik qüvvələri və polislər öldürülüb və ya girov götürülüb”.

Keçən il Prezident Donald Trampın ABŞ-ı Tehranın dünya gücləri ilə bağladığı nüvə sazişindən çıxarması və sazişlə ləğv edilmiş sanksiyaları yenidən bərpa etməsi yerli iranlıların həyatına köklü təsir edib. Xalqın narazılığı İran milli valyutasının dəyərdən düşməsiylə daha da artıb. Çörək, düyü və digər məhsulların qiymətində artım yaranıb. Vaşinqton Tehrana daha əhəmiyyətli nüvə və təhlükəsizlik güzəştləri etməsi üçün maksimum təzyiq göstərir.

Paylaş:

Son Əlavələr

  • GÜNDƏM
  • XuralTAC

Qüdrət Həsənquliyev Milli Məclisin Gəncəyə köçürülməsini təklif etdi

Bütöv Azərbaycan Xalq Cəbhəsi Partiyasının (BAXCP) sədri, deputat Qüdrət Həsənquliyev Moderator.az saytına qısa müsahibə verib. Müsahibəni xural.com oxucuları üçün təqdim…

8 Dekabr 2019
  • GÜNDƏM
  • XuralTAC

Ümid Partiyası seçkilərdə iştirak qərarı verdi-72 namizədlə

Ümid Partiyası 09 fevral 2020-ci ildə keçiriləcək Azərbaycan Respublikasının Milli Məclisinə növbədənkənar seçkilərində iştiraka qərar verdi. 07 dekabr 2019-cu ildə…

7 Dekabr 2019
  • GÜNDƏM
  • XuralTAC

Cərrahlar Rəşad Mahmudov və Mircəlal Kazımi dünyada bir ilkə imza atdı

Azərbaycanlı cərrahlar Rəşad Mahmudov və Mircəlal Kazımi dünyada ilkə imza atıblar. Publika.az xəbər verir ki, cərrahlar Mərkəzi Gömrük Xəstəxanasında keçirdikləri eyni…

7 Dekabr 2019
  • GÜNDƏM
  • XuralTAC

Beynəlxalq təşkilatlar Azərbaycan Vəkillər Kollegiyasına məktub göndərib

Onlar vəkil Şəhla Hümbətovanın vəkillikdən uzaqlaşdırılmasını pisləyirlər Dörd beynəlxalq təşkilat Azərbaycan Vəkillər Kollegiyasına məktub göndərib. Məktubda noyabrın 27-də vəkil, hüquq…

7 Dekabr 2019
  • GÜNDƏM
  • MƏDƏNİYYƏT
  • XuralTAC

“Quruluş Osman”ın 3-cü bölümü-VİDEO

Xural.com Osmanlı imperiyasının qurucusu Ərtoğrul Qazi oğlu Osmanın dövləti necə qurmasından bəhs edən "Quruluş Osman" filminin 3-cü bölümünü təqdim edir:…

7 Dekabr 2019
  • GÜNDƏM
  • MANŞET
  • XuralTAC

TV Musavatda Əvəz Zeynallı-Bəhruz Quliyev debatı-VİDEO

TV Musavatın "Canlı debat" layihəsində ölkə gündəminin müzakirəsi - parlamentin yenidən formalaşması, növbədənkənar parlament seçkiləri, Yeni Azərbaycan Partiyasının (YAP) qərarı,…

6 Dekabr 2019
Xural.COM