İran Qızıl Aypara Cəmiyyəti: Sərnişinlər arasında heç bir həyat əlaməti aşkar edilməyib

Yayımlandı: 20 May 2024 07:57

“Vəziyyət yaxşı görünmür”

İran İslam Respublikasının Prezidenti Seyid İbrahim Rəisinin helikopterinin qəza nəticəsində tamamilə yandığı bildirilir.

Bu barədə məlumatı “Reuters” agentliyinə Tehranın adını açıqlamayan rəsmisi söyləyib.

İranın Qızıl Aypara Cəmiyyətinin rəhbəri Pirhüseyn Kolivand isə mayın 20-də dövlət televiziyasına belə deyib:

“Biz dağıntıları görürük və vəziyyət yaxşı görünmür. Qəza yerinin aşkarlanması ilə helikopterin sərnişinləri arasında heç bir həyat əlaməti aşkar edilməyib”.

Mayın 19-da İranın və Azərbaycanın dövlət başçıları iki dövlətin sərhədində inşa edilmiş “Xudafərin” hidroqovşağının istismara verilməsi və “Qız Qalası” hidroqovşağının açılışını ediblər.

Tədbirdən sonra İrana qayıdan Prezident Seyid İbrahim Rəisinin helikopterinin Uzi və Pir Davud kəndləri arasındakı Dizmar meşəsində qəzaya uğradığı haqda məlumat yayılıb. Helikopterdə Şərqi Azərbaycan valisi Ayətullah Əl-Haşimi və İranın xarici işlər naziri Hüseyn Əmir-Abdollahian, Şərqi Azərbaycan valisi Malik Rəhməti və digər şəxslərin olduğu bildirilir.

Meydan TV

Əlaqəli məqalələr

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button