Jurnalistin həbs müddəti daha 3 ay uzadıldı
Dünən Nəsimi rayon Məhkəməsinin qərarı ilə jurnalist Elçin İsmayıllının həbs müddəti daha 3 ay uzadılıb.
Xatırladaq ki, İsmayıllıda yaşayan jurnalist fevralın 17-də saat 16.00 radələrində yaşadığı evdən çıxdıqdan sonra geri qayıtmayıb.
Elçin İsmayıllıya Cinayət Məcəlləsinin 182.2.2 və 308.2-ci maddələri ilə ittiham irəli sürülüb və 18 fevralda onun barəsində Nəsimi rayon məhkəməsinin qərarı ilə 24 sutka həbs qətimkan tədbiri seçilib. Elçin İsmayıllı hazırda Kürdəxanıda istintaq təcridxanasında saxlanılır.
