Komitə sədri haqqındakı iddialar qurumu mənfi xəbərlərin «lideri» etdi

Azərbaycanın bütün mediasınının monitorinqini aparan Media Təqib Mərkəzi 2016-cı ilin iyun ayı üzrə dövlət komitələri ilə bağlı analiz işini yekunlaşdırıb.

2016-cı ilin iyun ayında elektron mətbuatda, yəni sayt və portallarda komitələrlə əlaqəli 9652 xəbər yerləşdirilib. Bunlardan 313-ü mənfi, 669-u müsbət və 8670-i isə neytral xəbərlərdir. Mənfi xəbərlər arasında Əmlak Məsələləri üzrə Dövlət Komitəsi (175 xəbər – komitə sədri haqqında olan iddialar) liderdir. Müsbət xəbərlər arasında isə Dövlət Gömrük Komitəsi (532 xəbər – gömrükdən icazəsiz məhsulların keçirilməsinin qarşısını alıb) və Dini Qurumlarla İş üzrə Dövlət Komitəsi (114 xəbər – komitənin əməkdaşlarının təltif olunması) liderdir.

Xəbər sayına görə sıralama:

1. Dövlət Gömrük Komitəsi                                                              2165 xəbər
2. Dini Qurumlarla İş üzrə Dövlət Komitəsi                                  1881 xəbər
3. Dövlət Statistika Komitəsi                                                             1529 xəbər
4. Əmlak Məsələləri Dövlət Komitəsi                                               1302 xəbər
5. Diasporla İş üzrə Dövlət Komitəsi                                                1160 xəbər

Yazılı mətbuatda (qəzet və jurnallarda) bu sektorla əlaqəli 1129 xəbər dərc edilib. Bu xəbərlərdən 1066-sı neytral,  54-ü müsbət, 9-u isə mənfi xəbərlərdir. Mənfi xəbərlər Əmlak Məsələləri Dövlət Komitəsi (6 xəbər – komitədə əsrin saxtalaşması iddiası, komitə sədri haqqında olan iddialar və s.), Dövlət Gömrük Komitəsi (2 xəbər – şikayət, komitənin ləğv olunması iddiası) və Qaçqınların və Məcburi Köçkünlərin İşləri üzrə Dövlət Komitəsinə (1 xəbər – şikayət) məxsusdur. Müsbət xəbərlər arasında isə Dövlət Gömrük Komitəsi (39 xəbər – gömrükdən icazəsiz məhsulların keçirilməsinin qarşısını alıb) liderdir.

Xəbər sayına görə sıralama:

1. Dini Qurumlarla İş üzrə Dövlət Komitəsi                             268 xəbər
2. Dövlət Gömrük Komitəsi                                                          229 xəbər
3. Diasporla İş üzrə Dövlət Komitəsi                                          203 xəbər
4. Dövlət Statistika Komitəsi                                                       138 xəbər
5. Əmlak Məsələləri Dövlət Komitəsi                                           96 xəbər

İyun ayında televiziya kanallarında komitələr haqqında 464 xəbər göstərilib.

Xəbər sayına görə sıralama:

1. Dini Qurumlarla İş üzrə Dövlət Komitəsi                        120 xəbər
2. Dövlət Gömrük Komitəsi                                                      93 xəbər
3. Ailə, Qadın və Uşaq Problemləri üzrə Dövlət Komitəsi  58 xəbər
4. Diasporla İş üzrə Dövlət Komitəsi                                      52 xəbər
5. Əmlak Məsələləri Dövlət Komitəsi                                     47 xəbər

Radio kanallarında iyun ayında bu sektorla əlaqəli 19 xəbər verilib.

Xəbər sayına görə sıralama:

1. Dövlət Gömrük Komitəsi                                                                            8 xəbər
2. Dini Qurumlarla İş üzrə Dövlət Komitəsi                                               7 xəbər
3. Dövlət Statistika Komitəsi                                                                          2 xəbər
4. Standartlaşdırma Metrologiya və Patent üzrə Dövlət Komitəsi          1 xəbər
5. Ailə, Qadın və Uşaq Problemləri üzrə Dövlət Komitəsi                         1 xəbər

Xatırladaq ki, Media Təqib Mərkəzi ölkədə mövcud olan bütün sahələrin analizini aparır. Monitorinq sahəsinə ölkədə dərc olunan 100-ə qədər qəzet və jurnal (o cümlədən, 35 gündəlik qəzet), elektron vasitələrdə yayımlanan 1400 sayt (o cümlədən, 450 gündəlik yenilənən sayt), 12 televiziya  kanalı, 12 radio kanal və sosial şəbəkələr daxildirlər.

 

xural.com