Rubrikalar: SOSİAL XuralTAC

Lerik sakinləri: “Prezidentin açılışına gedəcəyi yol siyahıdan çıxarılıb

Yolun çəkilişinə indiyədək 16,6 milyon vəsait ayrılıb

Sentyabrda ölkə başçısı İlham Əliyevin Lerik rayonuna səfəri gözlənilir. Səfər zamanı ölkə başçısının bir sıra obyektlərin açılışında iştirakı nəzərdə tutulub. Amma 16.6 milyon manata başa gələn və açılışı olmadan dağıldığı iddia olunan Noda-Şingədulan-Xanagah yolu rəsmi açılış siyahısından çıxarılıb.

Bunu Lerik rayon sakinləri Meydan TV-yə deyiblər.

Onların sözlərinə görə, artıq prezidentin sentyabr ayında gözlənilən səfəri ilə bağlı hazırlıq işləri görülür.

İlham Əliyevin səfərindən öncə Prezident Adminstrasiyasından gələn komissiya rəsmi açılışa salınan obyektlərə də baş çəkib və dağılmış Noda-Şingədulan-Xanagah yolu rəsmi açılış siyahısından çıxarılıb, çünki yol tamam sıradan çıxıb, bərpa işləri də nəticə verməyib.

Bu yolun əvəzinə isə 2018-ci ildə yenidən qurulması üçün vəsait ayrılan Piran–Hamarat–Vjaker avtomobil yolunun bir hissəsi rəsmi açılış protokoluna salınıb.

“Yol yoxdur. Bakıdan gələn nümayəndələr deyiblər ki, prezidentə buranı göstərmək olmaz. Burada yol yoxdur. 16 milyon manat hara xərclənib? Bu yolu bərpa etmək üçün yenidən 10 milyon manat vəsait lazımdır”, – adının açıqlanmasından çəkinən sakinlər deyir.

30 min nəfər əhalinin yaşadığı və 50 yaşayış məntəqəsini birləşdirən 36 km-lik Noda-Şingədulan-Xanagah avtomobil yolunun tikintisinə üç dəfə vəsait ayrılıb.

Belə ki, ilk dəfə prezident İlham Əliyevin 14 sentyabr 2013-cü il tarixli Sərəncamı ilə 2 milyon manat, 19 avqust 2014-cü il tarixli Sərəncamı ilə isə yolun tikintisinə əlavə olaraq, 7 milyon manat vəsait Lerik Rayon İcra Hakimiyyətinə ayrılıb.

Amma bu dəfə də yolun tikintisi başa çatmayıb. Yol Noda kəndindən Ağçay kəndinə qədər çəkilib və dayandırılıb.

1 noyabr 2016-cı il tarixdə üçüncü dəfə Prezidentin növbəti sərəncamı ilə Noda-Şingədulan-Xanəgah avtomobil yolunun tikintisinin başa çatdırılması məqsədi ilə Azərbaycan Respublikasının 2016-cı il dövlət büdcəsində “Avtomobil Yolları” Məqsədli Büdcə Fondunda nəzərdə tutulmuş vəsaitdən 6,6 milyon manat ayrılıb.

Ümumilikdə isə yolun tikintisinə 16.6 milyon manat vəsait ayrılıb. Layihəyə əsasən 2013-cü ildən tikintisinə başlanılmış yol torpaq yatağı 10 metr, eni 6 metr ikizolaqlı asfalt – beton qarışığından tikilməli, 2017-ci ildə isə təhvil verilməli idi.

Yolun tikintisini isə indiyə qədər İcra Hakimiyyətinin sifarişi ilə Almaniyanın “Vertgen” şirkətinin Azərbaycan üzrə təmsilçisi kimi təqdim edilən “Yoltikintinəqliyyatservis” MMC həyata keçirib.

“Yoltikintinəqliyyatservis” MMC 2007-ci ildə Vergilər Nazirliyində qeydiyyatdan keçib. MMC-in təsisçisi Fuad İbrahim oğlu Muxtarzadədir.

Şirkət cənub bölgəsində yol çəkilişində aktiv iştirak edir, bir neçə dəfə tenderi udub.

İcra başçısının müavini Habil Məlikov Meydan TV-yə yolun rəsmi açılışının olmayacağını təsdiqləyib.

“Yolun inşaatı tam yekunlaşmayıb. Müəyyən problemlər var. Bizdə bir neçə yol var: kənd ara yolları, 36 kilometrlik Noda-Şingədulan-Xanagah və Piran–Hamarat–Vjaker avtomobil yolu. İki yol açılışa hazırdır, amma Noda-Şingədulan-Xanagah yolu hələ hazır deyil. Ona görə də prezidentin səfəri zamanı bu yolun açılışı olmayacaq. Təbii fəlakətlər zamanı o yolda problemlər yaranıb, hazırda iş gedir”, – Məlikov bildirib.(meydan.tv)

Paylaş:

Son Əlavələr

  • GÜNDƏM
  • XuralTAC

Əbülfəs Qarayevin cəzalandırılma səbəbi bilindi-Tarixi xalçanı oğurlayıb özünə villa alan xanım səfirimiz kimdir?

Keçmiş Mədəniyyət naziri Əbülfəs Qarayevin cəzalandırılmasının bir səbəbi də aydın olub. Sən demə, naziri yanmasında İsveçrədəki səfirimiz Xanım İbrahimovanın da…

4 İyun 2020
  • GÜNDƏM
  • XuralTAC

Eldar Mahmudovun qızı atasını niyə şah obrazında təsəvvür edirdi?-Fotolar

Mətbuatda xəbər verildiyi kimi, beynəlxalq araşdırmaçı jurnalistlər qrupu Eldar Mahmudovun övladlarının Böyük Britaniya, Lüksemburq, İspaniya və Litvada 110 milyon dollara…

4 İyun 2020
  • GÜNDƏM
  • QAYNAR QAZAN
  • XuralTAC

Zaur Qəriboğlu ilə “Siyasət meydanı”: “Maskanı xalqımıza kim yüklədi, cərimələr niyə əfv olunmur?”-VİDEO

3 iyun 2020-ci il, saat 19:00-da canlı yayında Xural TV-nin “Siyasət meydanı” verilişində Xural TV-nin təsisçisi və baş redaktoru Əvəz…

4 İyun 2020
  • GÜNDƏM
  • QAYNAR QAZAN
  • XuralTAC

Tural Abbaslı “Siyasət meydanı”nda: “Göyə sovrulan milyardlar, səfalət içində yaşayan xalq…”-VİDEO

03 iyun 2020-ci il, saat 17:00-da canlı yayında Xural TV-nin “Siyasət meydanı” verilişində Xural TV-nin təsisçisi və baş redaktoru Əvəz…

4 İyun 2020
  • GÜNDƏM
  • XuralTAC

Dövlət Səfərbərlik Xidməti “Siyasət meydanı”nda səslənən fikirlərə görə “Xural”a cavab göndərdi-QARŞI TƏRƏF

Müharibə və Sillahli Qüvvələr veteranı, ehtiyatda olan polkovnik Rasim Şirinov "Siyasət meydanı"nda səslənən bəzi fikirlərə cavab verib. Xural.com qarşı tərəfin…

3 İyun 2020
  • GÜNDƏM
  • QAYNAR QAZAN
  • XuralTAC

Qüdrət Həsənquliyev “Siyasət meydanı”nda: “Müharibədən başqa çarə yoxdur…”-VİDEO

2 iyun 2020-ci il, saat 21:30-da Xural TV-nin “Siyasət meydanı” verilişində Xural TV-nin təsisçisi və baş redaktoru Əvəz Zeynallı BAXCP…

3 İyun 2020
Xural.COM