Mayın 23-də yağış yağacaq
Mayın 23-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.
xural.com Ekologiya və Təbii Sərvətlər Nazirliyinin Milli Hidrometeorologiya Departamentinə istinadən bildirir ki, şimal-şərq küləyi əsəcək. Havanın temperaturu gecə 12 -16 dərəcə, gündüz 21-26 dərəcə isti olacaq.
Sabah Azərbaycanın rayonlarında əsasən axşam və gecə saatlarında bəzi yerlərdə şimşək çaxacağı, qısamüddətli yağış yağacağı gözlənilir. Şərq küləyi əsəcək. Havanın temperaturu Aran rayonlarında gecə 10-15 , gündüz 25-30 dərəcə, dağlıq rayonlarda gecə 9- 14 , gündüz 17-22 dərəcə isti olacaq.
Mayın 23-25-də Abşeron yarımadasında əsasən sabit hava şəraiti, iqlim normasına yaxın temperatur rejimi gözlənilir ki, bu da metohəssas insanlar üçün əlverişlidir.
