Milli Etimad Hökumətinin aparacağı islahatlarla bağlı müzakirə aparıldı

26.07.2013

İyulun 26-da Demokratik Qüvvələrin Milli Şurası (DQMŞ) Aparatının və komissiya rəhbərlərinin birgə iclası keçirilib.

İclas zamanı komissiyaların seçki kampaniyası dövründə vəzifələri və DQMŞ namizədi Rüstəm İbrahimbəyov seçkilərdə qələbə qazanarsa, formalaşdırılması nəzərdə tutulan Milli Etimad Hökumətinin qarşıda duran islahatları ilə bağlı məsələlər müzakirə olunub. Xəbəri DQMŞ Aparatının mətbuat xidməti yayıb.

Həmçinin DQMŞ-nin gələn həftə keçiriləcək növbəti sessiyasının gündəlik layihəsi müzakirə olunub.