Milli Şura prezident seçkilərinin vaxtına etiraz etdi

eldeniz quliyev02.08.2013

Müxalifət qüvvələrinin cəmləşdiyi Milli Şura Azərbaycanda prezident seçkilərinin vaxtının oktyabrın 9-na təyin edilməsinə etiraz edib. Milli Şura yetkilisi Eldəniz Quliyev Mərkəzi Seçki Komissiyasının (MSK) sədri Məzahir Pənahovu saxtakarlıqda ittiham edib. 

 Milli Şura üzvü seçkilərin vaxtının oktyabrın 16-dan 9-na keçirilməsinin Milli Şuraya qarşı hazırlanmış plan olduğunu qeyd edib:

“Milli Şuranı zamanla sınağa çəkmək gülüncdür. Biz belə şeylərdən qorxmuruq. Seçki tarixini bir neçə gün qabağa çəkib Milli Şuranı təntitmək olmaz. Burada xalqın taleyindən söz gedirsə,  seçki məsələsində zamanın böyük təsiri var. Hər günün, hər saatın öz təsiri var. Onsuz da bütün resurslar hakimiyyətin əlində cəmləşir. Ola bilsin ki, vaxtın daralması bir çoxlarının xeyrinədir. Amma bizim işimizi bununla guya, çətinə salmağa çalışırlar. Vaxtın azlığı bizi proseslərə daha ciddi yanaşmağa sövq edəcək. Artıq vaxt çox azdır, iş görməyin zamandır”-deyə E.Quliyev bildirib.

MSK-nın bu gün keçirilən iclasında Məzahir Pənahov çıxış edərək Azərbaycanda prezident seçkilərinin vaxtını rəsmən açıqlayıb. MSK sədri bəyan edib ki, seçkilər oktyabrın 9-da keçiriləcək. M.Pənahovun qərarı müxalifət düşərgəsində narazılıqla qarşılanıb.

Əlaqəli məqalələr

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button