Rubrikalar: DÜNYA XuralTAC

Moskvada son 8 ilin ən böyük mitinqi keçirilib

Aksiyada saxlanılanlar var

“Moskvada polis ədalətli seçki və müstəqil monitorinq tələb edən on minlərlə insanın iştirak etdiyi müxalifətin etiraz aksiyasında 250-dən çox adamı saxlayıb”, – Azadlıq Radiosu xəbər verir.

Mitinq 2011-ci ildən bəri müxalifətin keçirdiyi ən böyük mitinq hesab olunur.

Müstəqil müşahidəçilərin bildirdiyinə görə, avqustun 10-da 60,000-ə qədər adam Rusiya paytaxtının kənarında təşkil edilmiş mitinqdə iştirak edib və qarşıdan gələn bələdiyyə seçkilərində müstəqil namizədlərin səsvermədə iştirak etmələrinə icazə tələb edib.

Polis qeyd edir ki, bu rəqəm 20,000 olub.

Aksiyaya rəsmi icazə verilib. Yüslərlə insan daha sonra paytaxtın başqa hissələrində, əsasən Prezident Administrasiyasının yanında toplaşıblar. Bu cəhdlər dəbilqəli polislərin 256 nəfəri həbs etməklə nəticələnib, – müstəqil siyasi müşahidəçi “OVD-İnfo” xəbər verir.

Moskva polisi deyib ki, cəmi 136 nəfər “Moskvanın mərkəzində icazəsiz nümayiş zamanı müxtəlif qanun pozuntularına görə” tutulub.

“OVD-İnfo” qeyd edib ki, 79 nəfər Sankt-Peterburqda, 13 nəfər Rostov-on-Donda, 2 nəfər Bryanskda, digər 2 nəfər isə Sıktıvkarda nəzarətə götürülüb. Həmrəylik mitinqləri bir sıra başqa şəhərlərdə, o cümlədən Yekaterinburq, Vladivostok və Krasnodarda yerli sakinləri izdihama cəlb edib.

Yekaterinburqda yüzlərlə nümayişçi bir araya gələrək “çarı devirək ” və digər hökumət əleyhinə şüarlar səsləndirib.

Moskvada əvvəlki 27 iyul və 3 avqust tarixlərində keçirilmiş iki icazəsiz mitinq zamanı polis etirazçıları dəyənəklərlə döymüşdü və 2300-dən çox adamı saxlamışdı. Hüquq müdafiə təşkilatları və Qərb hökumətləri rus polisini bu davranışlarına görə qınayıb.

Lakin Rusiya hakimiyyəti sentyabrda keçiriləcək bələdiyyə seçkilərində iştirakına qadağa qoyduğu namizədlərə münasibətini dəyişməyib.

Avqustun 10-da on minlərlə etirazçı yağışda Moskvanın Saxarov prospektində icazəli etiraz aksiyasına toplaşıblar. Bu təşkilatçıların mitinq üçün istədikləri yer olmayıb.

İştirakçılar Sovet gizli polisinə istinadla Rusiya Prezidenti Vladimir Putinə və “çekist dövlət” əleyhinə şüarlar səsləndiriblər.

Mitinq şəhər mərkəzinə doğru uzanmasın deyə polis ərazini mühasirəyə alıb.

Aksiya bitəndən bir neçə saat sonra Moskvanın mərkəzində etirazçılar təkrar bir araya gələrək “Putin oğrudur!” və “Rusiya azad olacaq!” şüarını səsləndiriblər.

Paylaş:

Share

Son Əlavələr

  • GÜNDƏM
  • XuralTAC

Mehman Hüseynov bələdiyyə seçkilərinə qatılır

Bloger “Seçki tarixində belə maraqlı, kreativ seçki olmayıb” deyir. Tanınmış bloger, “Sancaq Production”un rəhbəri Mehman Hüseynov bələdiyyə seçkilərində iştirak edəcək.…

12 Noyabr 2019 1:59 səhər
  • GÜNDƏM
  • MANŞET
  • XuralTAC

Əvəz Zeynallının ölkədən çıxışına qadağa qoyuldu – Səbəb Mikayıl Cabbarovdur

“Xural” qəzetinin baş redaktoru Əvəz Zeynallının ölkədən çıxışına qadağa qoyulub. Qadağa Vergilər Nazirliyinin müraciəti əsasında tətbiq edilib. Reyting.az xəbər verir ki,…

11 Noyabr 2019 3:21 səhər
  • GÜNDƏM
  • SİYASƏT
  • XuralTAC

REAL-da nə baş verir?

2013- cü ildə cəmi 30 nəfər üzvü olan ReAl hərəkatı 8 gün ərzində 42 min imza yığa bilib, amma 2018-ci…

10 Noyabr 2019 5:54 axşam
  • GÜNDƏM
  • XuralTAC

REALa açıq məktub

REAL Partiyası Məclisinin keçmiş başqanı Azər Qasımlının həyat yoldaşı Samirə Qasımlı partiyaya və partiya sədri İlqar Məmmədova məktub ünvanlayıb: “Reala…

10 Noyabr 2019 5:37 axşam
  • DÜNYA
  • GÜNDƏM
  • XuralTAC

Qorbaçov: “Gərək hər diktator …çəni yanacaqla dolu təyyarəni hazır saxlasın…”

Noyabrın 4-də Almaniyanın paytaxtında Berlin divarının yıxılmasının 30 illiyinə həsr edilmiş rəsmi tədbirlər başlayıb. Bayram tədbirləri noyabrın 10-na qədər davam…

9 Noyabr 2019 1:37 axşam
  • ARAŞDIRMA
  • GÜNDƏM
  • XuralTAC

Corc Soros yazdı: “Millətçilik necə yüksəldi?”

Corc Soros “Project Syndicate”, 08.11.2019   8 Noyabr 1989-cu il tarixdə Berlin Divarının yıxılması Avropada kommunizmin dağılmasını qəfildən və kəskin…

9 Noyabr 2019 1:30 axşam
Xural.COM