Müdafiə Nazirliyi Azərbaycanın Əfqanıstanda olan sülhməramlılarının həyati təhlükəsilə bağlı açıqlama yayıb.
Müdafiə Nazirliyi məlumat yayıb: “Kabul beynəlxalq hava limanının Azərbaycan sülhməramlılarının mühafizə və müdafiə etdikləri sektorunda hazırda gərginlik mövcud deyil”. Şəxsi heyətin həyatı üçün heç bir təhlükə yoxdur:
“Bölgədə mövcud gərgin vəziyyətdən asılı olmayaraq Azərbaycan Ordusunun 120 nəfərdən ibarət sülhməramlı bölməsi Türkiyə qüvvələri ilə birlikdə hava limanının təhlükəsizliyini təmin etmək məqsədilə xidməti vəzifələrinin icrasını davam etdirir”.