Rubrikalar: GÜNDƏM XuralTAC

“Mütəllibovu anladıq, bəs Hacı Əbdülə nə düşüb?” – Sabir Rüstəmxanlıdan Tamerlan Qarayevə dəstək

“Hacı Əbdül elə Ayaz Mütəllibovun vaxtında müəyyən tapşırıqları yerinə yetirmək üçün ortaya atılmış adamlardan biri idi”.

Bu fikirləri Yenicag.az-a açıqlamasında “Tövbə” cəmiyyətinin sədri Hacı Əbdülün 1991-ci il noyabrın 20-də Qarakənd səmasında içində Azərbaycanın yüksək dövlət rəsmilərinin olduğu vertolyotun keçmiş Ali Sovetin sədr müavini Tamerlan Qarayevin əmri ilə vurulmasına dair iddiasına münasibət bildirən xalq yazıçısı, Vətəndaş Həmrəyliyi Partiyasının (VHP) sədri Sabir Rüstəmxanlı deyib.

Sabir Rüstəmxanlının fikrincə, indiki vaxtda bu cür iddiaların ortaya atılması Azərbaycanın Qarabağ uğrunda mübarizəsini gözdən salmaq məqsədi daşıyır:

“Əvvəla, soruşmaq lazımdır ki, Hacı Əbdül haranın siyasətçisidir? İndiyə kimi harada yatmışdı, indi niyə birdən-birə ortaya çıxıb? Görünür, bunun bir səbəbi var.

Digər tərəfdən, Tamerlan Qarayevi hərəkatdan, meydandan hamımız tanıyırıq. Həmin hadisələrdə Tamerlan Qarayevin adının hallandırılması heç cür ağlabatan iş deyil. Həmin hadisənin üstündən az qala otuz il vaxt keçib… O vaxt Dövlət komissiyası tərəfindən bu məsələ araşdırılıb, hər şey məlumdur.

İndi birdən-birə Hacı Əbdül kimi bu işlərlə əlaqəsi olmayan adamın sözü niyə bu qədər hallanmalıdır, niyə ciddi əhəmiyyət verilməlidir?

Tamerlan Qarayev kim idi ki, onun əmri ilə vertolyot vurulsun? Həm də ki Tamerlan o vertolyotda həlak olanların çoxu ilə yaxın dost idi.

Bilirsiz, bunlar hamısı birbaşa erməni siyasətinə xidmət edən və Azərbaycan xalqının Qarabağ uğrunda apardığı mübarizəsini – düzdür, indi o mübarizə sadəcə, diplomatiya meydanında aparılır – gözdən salmaq cəhdidir. İndi belə məsələləri ortaya atmaq xəyanətkarlıqdır. Bunun milli xəyanətkarlıqdan başqa adı yoxdur”.

Sabir Rüstəmxanlı daha sonra eks-prezident Ayaz Mütəllibovun qeyd olunan iddiaya dair anlaşılmazlıq yaradan fikirlərinə də münasibət bildirib:

“Ayaz Mütəllibov o vaxt dövlət başçısı idi və Xocalı məsələsində birbaşa günahkardır. Bu səbəbdən də, onun öz günahlarını başqalarının üstünə atmasını başa düşmək olar.

Ancaq Hacı Əbdülü başa düşmək çətindir. Ümumiyyətlə, Hacı Əbdül elə Ayaz Mütəllibovun vaxtında müəyyən tapşırıqları yerinə yetirmək üçün ortaya atılmış adamlardan biri idi. Deyəsən, indi də həmin missiyasını davam etdirmək istəyir. Ancaq indi şərait tamam fərqlidir, əsassız söhbətlərlə camaatı iyrəndirmək olmaz”.

Qeyd edək ki, Hacı Əbdül jurnalist Əvəz Zeynallının “Qaynar qazan” layihəsində çıxışı zamanı hələ də müzakirə olunan fikirlər səsləndirib. Onun sözlərinə görə, 1992-ci ildə onunla birlikdə həbsdə olan Qatır Məmməd ləqəbli səhra komandiri Yaqub Rzayev deyib ki, 1990-cı il noyabrın 20-də Azərbaycanın yüksək vəzifəli şəxslərini aparan vertolyotu tabeliyindəki hərbçilər vurub. Hacı Əbdül iddia edib ki, Yaqub Rzayev onunla söhbətində vertolyotu vurmaq əmrini Tamerlan Qarayevdən aldığını bildirib.

Media və sosial şəbəkələrdə geniş müzakirələrə səbəb olan bu iddia ətrafında müzakirələr səngimir. Bu barədə fikir bildirənlərin əksəriyyəti Hacı Əbdülün məlum iddiasını Xocalı Soyqırımının guya azərbaycanlıların özləri tərəfindən törədildiyinə dair iftiraların davamı kimi qiymətləndirib.

A.Zeynalov

Paylaş:

Son Əlavələr

  • GÜNDƏM
  • XuralTAC

Müstəqil media ölümlə təhdid olunur: Zaur Qəriboğlu, indi də hədəfdə Əvəz Zeynallı!-VİDEO

Reaksiya TV-nin efirində növbədənkənar canlı yayın oldu və Əvəz Zeynallıya qarşı "Frenk Elkaponi" ləqəbli Fizuli Məmmədovun adamları tərəfindən ölüm təhdidi…

24 May 2020
  • CƏMİYYƏT
  • GÜNDƏM
  • XuralTAC

“İmamzada” 200 gəncəli ailəyə Ramazan yardımı göndərdi-FOTOLAR

"Müqəddəs Ramazan ayının son günündə Gəncə şəhərində yerləşən tarixi "İmamzada" kompleksi tərəfindən şəhərin yardıma ehtiyac hiss olunan 200 ailəsinə Ramazan…

24 May 2020
  • GÜNDƏM
  • XuralTAC

Arif Seyidovun gözqamaşdıran sərvəti

Prezident İlham Əliyevin mayın 22-də imzaladığı sərəncamla Arif Seyidov Göygöl Rayon İcra Hakimiyyətinin başçısı vəzifəsindən azad edilib. Oxu.Az-ın məlumatına görə,…

22 May 2020
  • GÜNDƏM
  • XuralTAC

Rüstəm Usubov şair kimi cavab verdi: “Bundan sonra nə olacaq, bilmirəm”

“Ortada Prezident sərəncamı varsa, buna hansı şərh vermək olar. Artıq Baş Prokurorun birinci müavini deyiləm”. Bu sözləri "Gununsesi.org"un sorğusuna cavab…

22 May 2020
  • GÜNDƏM
  • XuralTAC

Almaniya “DQR nümayəndəsi”nin fəaliyyətini qadağan etdi

Məlumdur ki, Ermənistanın ölkəmizə qarşı həyata keçirdiyi işğalçılıq siyasətinin əsaslarından biri və beynəlxalq aləmdə əsaslandırılması Azərbaycanın işğal olunmuş ərazilərində kukla…

22 May 2020
  • ARAŞDIRMA
  • GÜNDƏM
  • XuralTAC

Tramp “köhnələr”ə qarşı savaş açdı – həbslər gözlənilir-ARAŞDIRMA

Ərgün Dilər “Takvim”, Türkiyə, 21 may 2020-ci il   Zirvədə gedən savaşı anlaya bilməsək, ətrafımızda baş verənləri anlamaq şansımız heç…

22 May 2020
Xural.COM