Pakistan ABŞ-ın başına 10 milyon dollar mükafat təyin etdiyi adamı azad etdi –FOTO
Xural.com strateq.az-a istinadən xəbər verir ki, Amerikanın başına 10 milyon dollar mükafat qoyduğu “Ləşkəri-i Tayyibe” təşkilatının qurucusu Hafiz Məhəmməd Səid Pakıstan tərəfindən azadlığa buraxılıb.
Ağ Ev İslamabadın bu addımını pisləyib. ABŞ 2008-ci ildə Hindistanın Mumbai şəhərində həyata keçirilən hücumlarda günahkar bilinən və Pakistanda ev dustaqlığında olan Hafiz Məhəmməd Səidin yenidən həbs edilməsini istəyib.
Ağ Evin açıqlamasında qeyd edilib ki, ABŞ “Ləşkəri-i Tayyibe” təşkilatını terror qurumu kimi tanıyıb, eyni zamanda Səidin günahkar olduğuna dair açıq beynəlxalq konsensus var: “BMT Təhlükəsizlik Şurasının 1267 saylı qərarına uyğun olaraq ona qarşı cəza tədbiri görülməlidir”.
ABŞ Maliyyə Nazirliyi Səidin adını 2012-ci ildə beynəlxalq terrorçu siyahısına salıb. Amerika hökuməti isə onun başına 10 milyon dollar qoyub. ABŞ-a görə, terrorçunun azadlığa buraxılması Pakistanın beynəlxalq terrorizmə qarşı mübarizəsinə kölgə salır.
