Paşinyan Tokayevlə KTMT sülhməramlılarının Qazaxıstandan çıxarılmasını müzakirə edib
Qazaxıstan Prezidenti Kasım-Jomart Tokayev Ali Avrasiya İqtisadi Şurasının iclası başlamazdan əvvəl (29 may 2019-cu il) Ermənistanın baş naziri Nikol Paşinyanı salamlayıb.
Ermənistanın baş naziri Nikol Paşinyan cümə axşamı Qazaxıstan prezidenti Kasım-Jomart Tokayevlə telefon danışığı aparıb, Bu barədə hökumətin mətbuat xidməti məlumat yayıb.
Qazaxıstan rəhbəri Ermənistanın baş nazirinə respublikada vəziyyətin normallaşması prosesi barədə məlumat verib. Bu kontekstdə KTMT-nin Qazaxıstanda sülhməramlı missiyasının başa çatdırılması və Kollektiv Sülhməramlı Qüvvələrin ölkədən çıxarılması prosesi müzakirə olunub.
Qeyd edək ki, Qazaxıstanda kütləvi etirazlar 2022-ci ilin ilk günlərində başlayıb. Əvvəlcə ölkənin qərbində yerləşən Janaozen və Aktau şəhərlərinin sakinləri maye qazın qiymətinin iki dəfə artırılmasına qarşı çıxıblar, sonra etirazlar digər şəhərlərə yayılıb və siyasi iğtişaşlara çevrilib.
Hakimiyyət hadisəni dövlət çevrilişinə cəhd adlandırıb. Qazaxıstan prezidenti Kasım-Jomart Tokayevin KTMT Kollektiv Təhlükəsizlik Şurasına müraciətindən sonra vəziyyəti normallaşdırmaq üçün ölkəyə kollektiv sülhməramlı qüvvələrin göndərilməsi qərara alınıb, Ermənistanın baş naziri Nikol Paşinyan KTMT-nin sədri kimi bildirib ki, birinci qrup yanvarın 6-da yola salınıb, qüvvələrin yerləşdirilməsi isə yanvarın 9-da başa çatıb. Qazaxıstan hakimiyyəti ötən bazar ertəsi sülhməramlı qüvvələrin mərhələli şəkildə çıxarılmasının yanvarın 13-də başlayacağını elan edib.
