Prezident İlham Əliyevin ABŞ-a səfəri başladı
Azərbaycan prezidenti İlham Əliyev Amerika Birləşmiş Ştatlarına səfərə gedib.
Xural.com azertag.az-a istinadən xəbər verir ki, prezident Vaşinqtonda keçirilən Nüvə Təhlükəsizliyi Sammitində iştirak edəcək.
Nüvə Təhlükəsizliyi Sammiti XXI əsrdə beynəlxalq birlik üçün ciddi təhlükə yaradan nüvə terrorçuluğunun qarşısını almağa həsr olunan yüksək səviyyəli zirvə görüşüdür. Əllidən çox ölkənin dövlət və hökumət başçılarının, müxtəlif beynəlxalq təşkilatların rəhbərlərinin iştirak etdikləri Sammitdə nüvə təhlükəsizliyinin əsas məsələləri, o cümlədən dünyada təhlükəli nüvə materiallarının sayının azaldılması, radioaktiv mənbələrin təhlükəsizliyinin, bu sahədə beynəlxalq əməkdaşlığın gücləndirilməsi və digər məsələlər müzakirə olunur.
