Rubrikalar: DÜNYA

Putindən İrəvanı məmnun edən cavab: “Erməni ilə aramızda nə dağılıb ki, bərpa da olsun…”

İlham İsmayıl

Putin Paşinyanı təbrik etməsə də, onu Moskvada gözləyir…

Siyasətdə kulis söhbətləri olur, amma şaiyyə olmur, onu qeyri-siyasilər yaradır. Xüsusilə, şaiyə yalan komponentlərlə zəngin olanda miqyası genişlənir, az qala həqiqət kimi təsəvvür olunur, bunu yayanlar özü də başlayır yalana inanmağa və nəticədə özünü aldatma başlayır. Moskva və İrəvan arasında münasibətlərin indi ütülü vəziyyətdə olmadığı məlum məsələdir, amma bizim camaatın bu ütüsüz situasiyanı Qarabağ münaqişəsində qələbə kimi təqdim etməyə çalışması qeyd etdiyimiz özünüaldatmadır və ümidsizlik burulğanında boğulan cəmiyyətin saman çöpündən yapışması kimi dəyərləndirilə bilər. Rusiya – Ermənistan münasibətlərində qlobal mənada sərinlik yoxdur  və yayılan dedi-qodunu  bu siyasəti müəyyənləşdirən dövlət başçılarının öz dilindən eşidəndə,  şaiyəyə də, dedi-qoduya da son verilmiş kimi olur.

Bu gün Rusiya Federasiyası prezidenti Vladimir Putin  hər il keçirdiyi mətbuat konfransında  vəziyyəti açıq dəyərləndirib və ”Rusiya parlament seçkilərindən sonra Ermənistanla siyasətini necə bərpa etmək istəyir” sualına, görün necə cavab verib: “Nəyi bərpa edəcəyik? Bizim aramızda nə dağılıb ki, bərpaya da ehtiyacı olsun. Ermənistan nəinki regionda, bütün dünyada ən strateji tərəfdaşımızdır, KTMT-nin, Avrasiya İqtisadi Birliyinin üzvüdür. Biz nə varsa onu inkişaf etdirməliyik” . Rusiya lideri  xüsusilə vurğulayıb ki, erməni xalqı Cənubi Qafqazda ən yaxın tərəfdaşımızdır. Putin Amerika kəşf etməyib, əsrlərdir ki, bu həqiqətin şahidiyik.
Putin də bu münasibətlərin kökünə diqqəti yönəldib:” Bu tarixən belə olub, belə də var və əminəm ki, belə də olacaq”. Bunu deməklə, Putin bir daha yalançı parıltını işıq bilib arxayın olanları  hesabla ayıltmış oldu.
Putin davam edir: ”Biz dünyada və regionda situasiyanı nəzərə alıb birgə hərəkət etməliyik”. Bəlkə birgə hərəkət etmirlər? Üç gün əvvəl Krımla bağlı BMT-də Rusiyaya qarşı sanksiyaların qüvvədə saxlanması və artırılması məsələsinə səsvermə zamanı KTMT üzv ökələrindən yalnız Ermənistan bu qərarın əleyhinə səs verib, Sarkisyanın, Koçaryanın dövründə olduğu kimi. Yeri gəlmişkən, Azərbaycan səsvermədə iştirak etməməyə üstünlük verib və düzgün mövqe tutub. Deməli, Putin düz deyir- nə dağılıb, nə dəyişib Rusiya –Ermənistan münasibətlərində? Köhnə hamamın tasını dəyişmək asan deyil. Və Yeni il qabağı Putin əziz qonağını gözlədiyini deyib: ”Bütün u məsələləri biz cənab Paşinyanla yaxın vaxtlarda müzakirə edəcəyik. Cənab Paşinyan gələn həftə bizə səfər edəcək”.
Qarabağ məsələsinin bütün bu proseslərdə adı da çəkilmir, müzakirə olunmur. Paşinyan Qarabağ probleminə çox vaxt ayırsa da, münaqişənin nizamlanması yolunda heç nə baş vermədiyi barədə rəsmi bəyanat verib, yalnız iki dəfə Azərbaycan prezidenti ilə “söhbət etdiyini” bildirib.
O ki, qaldı  yenidən gündəmi zəbt etmiş “kreativlik” söhbətinə və ermənilərin guya hansısa güzəştlərə gedəcəyinə. Ermənilər açıq istehza ilə” ..,Bakı Artsaxın müstəqilliyini tanıyarsa razılaşma, güzəşt ola bilər, qalan məsələlər – kreativdir” – deyirlər.  Son cümlə erməni təbliğatı olsa da, bir həqiqəti də bizim üçün aydınlaşdırır ki, sakit durub Rusiya-Ermənistan qarşıdurmasına ümid bəsləməklə işğaldan torpaq azad edə bilməyəcəyik. Ən vacibi də odur ki, bizə bütöv Qarabağ lazımdır. Prinsipimiz dəyişməz olaraq qalmalıdır. Siyasətimizi də bu prinsipə görə müəyyənləşdirməliyik. Başqa prinsip qəbuledilməzdir!
İlham İsmayıl
Paylaş:

This post was last modified on 21 Dekabr 2018 10:04 axşam

Son Əlavələr

  • GÜNDƏM
  • XuralTAC

Milli Məclisdə Şuşa müzakirəsi – deputatlar üz-üzə gəldi

Milli Məclisin plenar iclasında çıxış edən deputat Vahid Əhmədov ordu rəhbərliyini tənqid etdi. O orduya rəhbərlik edənləri Azərbaycan dilini təmiz…

1 İyun 2020
  • GÜNDƏM
  • XuralTAC

Müdafiə Nazirliyi: Silah gücü düşmənlə danışılacaq yeganə dildir

Azərbaycan Ordusu işğal olunmuş əraziləri azad etmək üçün güc tətbiq etmək hüququndan mütləq istifadə edəcək. Bu barədə Azərbaycan Müdafiə Nazirliyinin…

1 İyun 2020
  • GÜNDƏM
  • XuralTAC

“The Guardian”: Eldar Mahmudovun uşaqları Londonda çoxmilyonluq əmlaka sahibdirlər

Azərbaycanın keçmiş Milli Təhlükəsizlik naziri Eldar Mahmudovun övladları tərəfindən Londonda bir sıra dəbdəbəli mülklərin alındığı ortaya çıxıb. Virtualaz.org “The Guardian” qəzetinin…

1 İyun 2020
  • ARAŞDIRMA
  • GÜNDƏM
  • XuralTAC

Pompeonun 89 yaşlı atası zəhərlə öldürülüb?-ABŞ-ÇİN savaşında sui-qəsdlər-ARAŞDIRMA

Ərgün Dilər “Takvim”, Türkiyə, 29 may 2020-ci il   İlk gündən bu yana diqqəti ABŞ-la Çin arasında gedən ticarət savaşına,…

31 May 2020
  • GÜNDƏM
  • XuralTAC

Zakir Həsənovdan düşmənə xəbərdarlıq: “Bu dəfəki tədbirlər …tam fərqli olacaq!”

Mayın 30-da Mərkəzi Komanda Məntəqəsində Müdafiə naziri general-polkovnik Zakir Həsənov Azərbaycan Ordusunun rəhbər heyəti ilə xidməti müşavirə keçirib. Müdafiə Nazirliyindən virtualaz.org-a …

30 May 2020
  • GÜNDƏM
  • XuralTAC

Əli Həsənovsuz media-nələr dəyişməlidir?

Prezident Administrasiyasının (PA) İctimai-siyasi məsələlər üzrə şöbə müdiri, Prezidentin köməkçisi Əli Həsənovun vəzifəsindən uzaqlaşdırılmasından 6 aya vaxt ötür. PA-da aparılan…

30 May 2020
Xural.COM