Putindən Qarabağla bağlı yeni bəyanat

Prezident Vladimir Putin əmin edib ki, Rusiya tərəfi Dağlıq Qarabağ münaqişəsinin başa çatması üçün əlindən gələni edir və edəcək.

Virtualaz.org bildirir ki, Rusiya lideri bunu dini birliklərin nümayəndələri ilə görüşdə deyib.

“Siz bilirsiniz, Rusiya bizdən asılı olan hər şeyi edir ki, Cənubi Qafqazdakı münaqişə mümkün qədər tez başa çatdırılsın, bir – biri ilə üzbəüz duran və təəssüf ki, hələ də bir-birini avtomatların, tüfənglərin hədəflərində görən, bir-birinə qarşı silahdan istifadə edən insanların həyatı xilas edilsin”, – deyə o vurğulayıb.

Rusiya Prezidenti münaqişə tərəflərinin məqsədlərinə sülh yolu ilə, danışıq prosesi zamanı nail ola biləcəcəklərinə əminliyini ifadə edib: “Hər halda biz Ermənistanla da, Azərbaycanla da təmasdayıq. Ümid edirəm ki, nəticə əldə edə biləcəyik, özü də regionda yaşayan bütün insanları qane edəcək əsasda”.

Əlaqəli məqalələr

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button