“Putinin NATO-su” Yerevanda Qarabağı müzakirə etdi – Belarus iclasa qatılmadı
Kollektiv Təhlükəsizlik Müqaviləsi Təşkilatı Yerevanda keçirdiyi bugünkü iclasında Dağlıq Qarabağdakı son hərbi əməliyyatları müzakirə edib.
Strateq.az bildirir ki, bu barədə Ermənistan ordusunun baş qərargah rəisi Yuri Xaçaturov bildirib: “Bununla bağlı üzv ölkələrlə fikir mübadiləsi oldu”.
İclas iştirakçıları hərbi təhlükəsizliyin kompleks xarakter daşıdığını vurğulayıblar. Nümayəndələr Birləşmiş Qərargahın işini təkmilləşdirməyin vacib olduğunu qeyd ediblər.
Yerevanda keçirilən səkkizinci iclasda Qazaxstan, Qırğızstan, Rusiya, Tacikstan ordularının baş qərargah nümayəndələri, habelə KTMT-nin baş katibi iştirak edib. Belarus iclasa qatılmayıb.