Qobustan həbsxanasında məhkum intihar edib
Son günlər üç məhkum dünyasını dəyişib
Xural.com meydan.tv-yə istinadən xəbər verir ki, Qobustan həbsxanasında 1981-ci il təvəllüdlü məhkum Elşad Teyyub oğlu Kərimov intihar edib.
O, kamerada özünü asıb.
Məhkumun özünə qəsd etməsinin səbəbləri hələlik məlum deyil.
Faktla bağlı Qaradağ rayon Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb, istintaq gedir.
E. Kərimov üç maddə üzrə təqsirləndirilərək 12 il müddətinə azadlıqdan məhrum edilibmiş.
Eyni zamanda, son günlər 3 məhkum xəstəlikdən dünyasını dəyişib.
Penitensiar Xidmətin müalicə müəssisəsində saxlanılanlar – İlham Muradov, Mədət İbrahimov və İlham Məmmədov xəstəlikdən vəfat ediblər.