Rubrikalar: SİYASƏT XuralTAC

Qüdrət Həsənquliyev: “Xalqı sülhə yox, ölüm-qalım savaşına hazırlamalıyıq”

Bütöv Azərbaycan Xalq Cəbhəsi Partiyasının (BAXCP) sədri, millət vəkili Qüdrət Həsənquliyev partiyanın mətbuat xidmətinə açıqlamasında Nikol Paşinyanın Dağlıq Qarabağın Ermənistana birləşdirilməsinə dair son bəyanatına münasibət bildirib.

Rusiyanın Qərblə qarşıdurma vəziyyətində olduğunu xatırladan BAXCP sədri qeyd edib ki, Rusiyada hakimiyyət daxilindəki Qərbə bağlı qüvvələr demokratik qüvvələrə dəstək verməklə ölkə daxilində vəziyyəti gərginləşdirmək, Putini küncə sıxıb geri çəkilməyə məcbur etmək istəyirlər: “Belə bir vəziyyətdə Azərbaycanla Ermənistan arasında qanlı savaşın başlaması Putini daha pis vəziyyətə sala bilərdi. Həm də Azərbaycanda hakimiyyət daxilində kriminallaşmış, daha böyük səlahiyyətlər üçün alışıb yanan güclərə dəstək olmaqla sürətli inkişafa yol açacaq islahatların dayandırılmasını təmin edərdi. Ona görə də həm Qərbdəki ermənipərəst qüvvələr, həm də onların Rusiya hakimiyyətindəki əlaltıları Paşinyana belə bir açıqlama ilə çıxış etməyi tapşırıblar. Onlar düşünürlər ki, bu açıqlamadan sonra Azərbaycan heç nə etməyib yenə danışıqlardan danışsa, hakimiyyətin nüfuzuna xalq arasında ciddi zərbə dəyəcək. Bundan sonra isə payızda ölkədə sabitliyi pozmaq üçün ciddi zəmin yaranacaq”.

İqtidarın indiki durumda nə etməli olduğu barədə suala Qüdrət Həsənquliyev belə cavab verib: “Həmişə dediyim kimi, yenə təkrar edirəm. Biz Putinlə təcili danışıqlara başlamalıyıq. Onu inandırmalıyıq ki, Rusiyanın bölgədə mövcudluğunu qoruması üçün bu münaqişəni saxlamaq lazım deyil. Bu münaqişə Rusiya üçün də təhlükə yaradır. Biz Rusiyanın bölgədə öz mövcudluğunu saxlaması üçün onun liderliyi ilə yaradılmış regional təşkilatlara qoşula, ikitərəfli müqavilələr bağlaya bilərik. Əgər Putin ciddi qərarlar qəbul edə bilməyəcəksə, onda iqtidar xalqla açıq danışmalı, Rusiya ilə münasibətlərə yenidən baxmalı və peşəkar ordu quruculuğu istiqamətində vacib qərarlar qəbul etməlidir”.

“Ordu quruculuğu istiqamətində hansı addımların atılmasını vacib hesab edirsiniz” sualını cavablandıran BAXCP sədrinin qənaətinə görə, ilk növbədə müdafiə naziri mülki, yüksək intellektə malik, təcrübəli və siyasi baxımdan hazırlıqlı şəxs olmalıdır: “Ən azı 30 min nəfərlik, dağlıq ərazidə döyüşməyi bacaran peşəkar ordu birləşmələri yaradılmalıdır. Cənubi Azərbaycandan,Türkiyədən, Pakistandan, Əfqanıstandan ehtiyatda olan, hərbi əməliyyatlarda iştirak etmiş zabitlər və hərbçilər müqavilə əsasında orduya cəlb olunmalıdır. Müddətli hərbi xidmətə çağırış 6 aya endirilməlidir. Müdafiə Nazirliyinin rəhbərliyi Türkiyədə və Milli Hərbi Akademiyada təhsil almış kadrlarla gücləndirilməlidir. Bununla yanaşı, paralel olaraq Azadlıq savaşı başlayana qədər cəbhə xəttində hər gün işğalçıları öldürməyə çalışmalıyıq. Xalqı sülhə yox, torpaqlarımızın azadlığı və milli şərəfimiz üçün ölüm-qalım savaşına hazırlamalıyıq”.

Paylaş:

This post was last modified on 7 Avqust 2019 4:36 axşam

Son Əlavələr

  • GÜNDƏM
  • SİYASƏT
  • XuralTAC

Prezident İlham Əliyev əfv sərəncamı imzaladı

Prezident İlham Əliyev "Məhkum edilmiş bir sıra şəxslərin əfv olunması haqqında" sərəncam imzalayıb. Musavat.com-un Azərtac-a istinadən məlumatına görə, sərəncam dünyada koronavirus…

6 Aprel 2020
  • GÜNDƏM
  • XuralTAC

İlham :”Bu işdə əli olan şəxslər ciddi cəzalandırılacaq…” – TAM MƏTN

Azərbaycan Respublikasının Prezidenti İlham Əliyev və birinci xanım Mehriban Əliyeva aprelin 6-da Sumqayıt Kimya Sənaye Parkında “Bakı Tekstil Fabriki” MMC…

6 Aprel 2020
  • GÜNDƏM
  • XuralTAC

Son raundun qalibi kim olacaq – dövlətlər, yoxsa zəngin ailələr?-ARAŞDIRMA

Ərgün Dilər “Takvim”, Türkiyə, 04 aprel 2020-ci il   ABŞ Mərkəzi Bankının rəhbəri olmuş Alan Qrinspen zamanındakı durumu “Əsrin böhranı” olaraq səciyyələndirmişdi. Daha sonra…

6 Aprel 2020
  • GÜNDƏM
  • XuralTAC

Azərbaycanda 7 nəfər koronavirusdan ölüb, 44-ü sağalıb

Azərbaycanda indiyə qədər koronavirusa yoluxanların sayı açıqlanıb. Bu barədə Nazirlər Kabineti yanında Operativ Qərargahdan məlumat verilib. Qeyd olunub ki, ümumilikdə,…

6 Aprel 2020
  • GÜNDƏM
  • XuralTAC

İsraildə koronovirus sürətlə yayılır-Yoluxma və ölü sayı artdı

İsraildə sutka ərzində Kovid-19 diaqnozu təsdiqlənən şəxslər 600 nəfər artaraq 8611 nəfərə çatıb, ölü sayı 51 olub. Avropa.info xəbər verir…

6 Aprel 2020
  • GÜNDƏM
  • XuralTAC

Böyük Britaniya hökuməti: “Koronavirus laboratoriyadan sızıb”

Yeni koronavirus Çinin Vuhan şəhərindəki bioloji tədqiqat laboratoriyasından sızıntı nəticəsində təbii yolla əmələ gəlib. “Report” “The Sun”a istinadən xəbər verir…

6 Aprel 2020
Xural.COM