Rəşad Ramazanov əslində narkoman deyilmiş
Həbsdə olan dindar bloqçu Rəşad Ramazanovdan götürülən qan analizinin cavabı məlum olub.
Vəkil Rövşən Şirəliyevin “Media forum” saytına bildirdiyinə görə, analiz nəticəsində Rəşad Ramazanovun narkotik istifadəçisi olmadığı müəyyənləşib.
Rəşad Ramazanovu (Rəşad Həqiqət Ağəddin) mayın 9-da Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsi saxlayıb. Ona Cinayət Məcəlləsinin 234.4.3-cü (qanunsuz olaraq külli miqdarda narkotik vasitələri saxlamaq və satmaq) maddəsi ilə ittiham irəli sürülüb. Bloqçu haqqında 3 aylıq həbs qətimkan tədbiri seçilib.