Rusiya Kiyevə ballistik raketlər, kamikadze dronlar ilə hücum edib

Dekabrın 11-nə keçən gecə Rusiya qüvvələri Kiyevə ballistik raketlər və kamikadze dronlar ilə hücum gerçəkləşdirib. Ukrayna Hava Qüvvələri komandanlığı səkkiz raketin hamısının vurulduğunu bildirir.

Məlumatda raketlərin şimal istiqamətdən – Bryansk vilayətindən buraxıldığı qeyd olunur.

Ukrayna hərbçiləri Moskvanın qanunsuz ilhaq etdiyi Krımdan buraxılmış 18 dronun hamısını vurduqlarını bildirirlər.

Rusiya raketlərinin qalıqları Kiyevin cənub hissəsinə, Darnitsk rayonuna düşüb. Dörd nəfər xəsarət alıb. Şəhərin meri Vitali Kliçkonun dediyinə görə, onlardan biri ayağından qəlpə yaraları alıb.

Mer qalıqların yerdə dağıntılara, yanğınlara səbəb olduğunu, ancaq bunların qarşısının operativ alındığını söyləyib.

Rusiya qüvvələri Ukrayna ərazisinə, demək olar, hər gün dronlarla, müxtəlif növ raketlərlə hücum edir.

Britaniya hərbi ekspertləri təxmin edirlər ki, Rusiya Ukraynanın enerji infrastrukturunu dağıtmağı hədəfləyən yeni kampaniyaya başlayıblar.

Rusiyanın Müdafiə Nazirliyi yalnız hərbi hədəflərə zərbələr endirdiyini bildirir. Rusiya tərəfi dinc sakinlərin ölümü, yaşayış evlərinin, mülki infrastrukturun dağılmasını adətən şərh etmir.

AzadlıqRadiosu

Əlaqəli məqalələr

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button