Rusiya XİN başçısının müavini: “Qarabağda sülhməramlıların sayının artırılması gündəmdə yoxdur”
“Ümid edirik ki, Ermənistandakı vəziyyət Rusiya, Azərbaycan və Ermənistan liderlərinin Qarabağla bağlı razılaşmasının icrasına təsir etməyəcək”.
APA-nın Moskva müxbirinin xəbərinə görə, bunu Rusiya xarici işlər nazirinin müavini Andrey Rudenko deyib.
Rusiya XİN başçısının müavini Dağlıq Qarabağdakı sülhməramlı qoşunlarının sayının artırılması məsələsinin gündəmdə olmadığını da qeyd edib: “Rusiya sülhməramlılarının sayı dövlət başçılarının üçtərəfli bəyanatında dəqiq müəyyən olunub. Biz orada yazılanlardan çıxış edirik. Belə məsələ gündəmdə durmur”.
